黑布小巷

营业中

休息中

自從程班長執咗之後，我就好少去荔枝角食嘢，估唔到荔枝角仲有一間咁正嘅台灣菜！慢烤雞腿芝士蛋吐司（$5️⃣3️⃣）奉勸大家一定一定要帶佢嘅手套去食！因為佢啲醬汁同芝士會流晒出嚟🤣，爆芝呀！佢用咗拉絲芝士，雞腿好Juicy好夠味，個蛋仲有蛋汁，個包仲有烘過，非常之唔錯！古早味手工滷肉飯（$4️⃣8️⃣）睇到都睇得出佢好肥🤣，勁多肉！佢個味唔會好濃過咸，而且啲飯充滿豬油香，勁大碗囉，啲滷肉鋪滿晒喺個飯上面，超多餸，朋友表示好滿足。芋頭椰汁三色圓（$4️⃣6️⃣）呢個個湯好杰，因為啲芋頭已經溶晒，所以超濃芋頭味，又唔會甜得滯，我淨係飲過湯已經好滿足🥹。佢啲芋圓大大粒，真係食得出番薯紫薯同埋芋頭味，絕對唔會Hea你，煙煙韌韌咁，我覺得好唔錯。我哋另外仲加咗錢叫咗小食同埋飲品！小食有蝦卷同埋甜不辣🥹，兩樣都好好食，真係好有台灣嘅味道。另外杯羅漢果茶真係超級重羅漢果味🤣，仲要係無糖，我即刻覺得我呢一餐好健康（假像）！