Verde MAR (已結業)

Verde MAR係一間以健康為主題嘅墨西哥餐廳，餐廳內部以唔少綠植做裝飾，仲設有一個別緻嘅小花園，種滿可食用嘅墨西哥仙人掌同香草，貫徹主廚 Eligio“Farm-to-table”嘅理念，希望令賓客彷彿置身於一個墨西哥綠野秘境之中。墨西哥菜偏好使用牛油果、玉米和蕃茄等食材，所以製作出來嘅菜式格外色彩繽紛，讓人食指大動之餘，亦十分健康！Mexican Seafood Paella🥘 $339墨西哥海鮮飯色彩斑斕，面頭鋪滿各種海鮮，有大蝦、帶子、青口等，足料之餘海鮮亦十分新鮮。第一次試墨西哥海鮮飯，與西班牙海鮮飯嘅不同之處在於其米粒係用海鮮湯來煮，所以較為軟糯，粒粒分明，完美地吸收了海鮮湯的鮮味，冇西班牙海鮮飯咁乾。餐廳仲附上一支墨西哥辣椒醬調味，方便返重口味的朋友仔😂。Avocado Tostada🥑擺盤十分精緻，廚師好有心思咁將牛油果薄片鋪成一朵花🌺 牛油果熟度啱啱好，肉質細膩，配搭微辣嘅自家製香脆粟米片，口感獨特，牛油果迷必試！Avocado Ice Cream🍦最期待嘅甜品出場了，就係依個牛油果造型的雪糕，仿真度十足😍，可愛到唔捨得食。唔單止外形獨特，味道都冇令我失望，自家製嘅