茶餐廳2.0 (已結業)

茶餐廳2.0，係一間fusion既新派茶餐廳，又有美食，又有新穎食材，又夠風味，份量十足❤️❤️重點哩度環境光猛，夠哂寬敞，好多卡位，又有outdoor位置，好舒適呀天氣轉涼，最好食羊肉暖暖身❤️香草燴羊膝肉，真心好有驚喜，羊膝超大份，拎上手都要啲力呀，肉嫩味濃🤩🤩羊膝肉即係羊下髀內既肉，燴煮後仍然保持嫩滑同埋豐富肉汁，實屬難得呀，食得出羊髀用香料醃過夜，平衡到羊羶味，入口啖啖肉，蔬菜粒炒香，加入茄膏拌勻，做成醬汁，同羊肉好夾，好正嚕❤️巴基斯坦風味，唔係個個都接受到，加入大量勁香口既薯仔，食落除左辣仲好濃洋蔥，撈飯真係一流，唔似平時食到嗰啲咖喱汁好似水咁既，牛腩既油脂好甘香，完全融入哂落啲巴基斯坦咖喱度，重點牛腩真係炆得好軟腍❤️美國豬鞍扒，肉嫩多汁，豬鞍其實係指豬背前六至八條肋骨，好矜貴㗎，廚師煎香表面既肉，再放上鐵板，利用後加嘅溫度，更加可以將肉汁鎖住，口感更美味😋😋😋 其實唔使再加醬汁已經好入味，你睇吓啲肉汁瀉晒出嚟😚😚最後仲嗌埋啡咖啡☕️☕️☕️好好飲呀😋