Chatterbox Express (已結業)

難得去開太古城，今晚就去左Chatterbox Express，剛巧呢排餐廳出咗新米芝蓮推介既菜式，於是點左黎試下： 招牌兩食·迷你麻婆豆腐丼＆迷利擔擔麵（$98）：套餐包一罐汽水、咖啡或茶，兩者都有少少辣，但好惹味，擔擔麵湯頭濃郁，麵條亦有掛汁，整體不錯。雖然寫係迷利，但豆腐丼都有一碗飯既份量，愈食愈惹味。 另外仲叫左招牌既文華海南雞飯（$102）：一碟海南雞都有大概9件雞件，仲包一碗豆腐湯，海南雞除左雞肉嫩，最緊要係醬汁，加埋油飯整體感覺不錯。 咸蛋王雞翼（原價$58，套餐加購價$48）：一碟有4隻雞翼連翼尖，咸蛋王好足料，每隻雞翼外層都包裹住大量咸蛋，雞翼亦炸得香脆可口， 餐廳不用加一，埋單共$248