新泰東南亞餐廳 (已搬遷) 新店位置

每次想食泰國菜朋友都會話入九龍城，好悶姐～今日喺灣仔附近有嘢做就順便去試試港島餐廳嘅泰國菜。餐廳喺樓上二層，從地下入口已感受到滿滿的泰國風情，而餐廳相當寬敞乾淨，員工應該大部分是泰國人，十分熱情。打開餐牌，圖片十分吸引全都想吃。最後和友人兩人就點了店員推薦的蜜糖燒肋骨、鐵板蠔仔炒蛋、泰蝦炒金邊粉。而甜品就叫咗芒果糯米食，飲品就係三色冰啦。首先上嘅係蜜糖燒肋骨，一上枱就聞到蜜糖嘅香味，單看賣相豬肋骨燒得金黃發光都足夠讓人食指大動。咬落去，肉質鮮嫩彈牙而且非常入味，讚！接住就係鐵板蠔仔炒蛋，餐廳對材料完全不吝嗇，每啖炒蛋都至少有三至四隻蠔仔，灑上葱花點綴十分香口，好想配上一碗白飯。再嚟就係泰蝦炒金邊粉，金邊粉賣相十分不錯，以蛋製網，伴上花生粒，擠上青檸拌勻即可食用。大大粒嘅泰蝦令人想食完一粒又一粒。食到差唔多就到甜品啦，新泰嘅芒果糯米飯頗有特色，除咗有白糯米外都有黑糯米。芒果甜甜酸酸，配上椰汁糯米十分好吃！最後就係飲品三色冰，本人偏愛椰味所以十分喜歡這三色冰，杯底有三種顔色煙煙韌韌的東西，味道十分特別，可以一試。其實同朋友仲想叫多款甜品，因為實在太吸引，可惜太飽了，唯有留返下次啦。