影片
更多
2022-06-03
42 浏览
《滷味火鍋放題🤤》———————————————-#潮州鹵漢大飯店 🕺🏻-我哋一年四季都咁中意打邊爐，有咩未食過呀🤗 竟然比我搵到間全港獨有嘅鹵水湯底潮式火鍋，真心第一次食😂 食完覺得好驚喜，放題120分鐘，CP值超高，一定要推薦呀🤤-餐廳就係旺角鬧市瓊華中心樓上，環境寬敞，天花掛上一個個燈籠，別具傳統復古風格，連啲餐具都夠哂玩味，好有舊時戲棚嘅感覺🏮-潮州火鍋真係好少見，將滷水汁變成火鍋湯底非常特別，而且超級濃郁，以鵝骨同花椒八角等大量香料熬製，裡面本身更加有埋炸豆腐、豬紅同京葱等配料係入面，湯頭食落特別香甜☺️而且有別於一般火鍋，完全唔洗再沾醬料，直接將食材放入去就會吸哂啲精華，十分惹味😋-呢個C餐放題已經食到M5極品和牛，淥幾秒就食得，十分嫩滑，牛味香濃🐮另外亦有安格斯牛小排、肥牛、肉眼可以任食，仲有啲刁鑽部位，例如封門柳、澳洲和牛胸油等等，尤其個牛胸油充滿油香，十分爽口😝-仲要嗌炸響鈴、炸魚皮、魚皮餃去索哂啲湯汁呀，好正😍個日嘅是日海鮮係蜆肉，都幾新鮮亦無沙，用個懷舊小碗裝住幾靚🥰我哋仲叫埋個普寧炸豆腐，超大碟，外脆內軟～-除此之外，自助區亦可以拎唔同嘅配料，例如潮州魚蛋、潮州牛
———————————————-
#潮州鹵漢大飯店 🕺🏻
-
我哋一年四季都咁中意打邊爐，有咩未食過呀🤗 竟然比我搵到間全港獨有嘅鹵水湯底潮式火鍋，真心第一次食😂 食完覺得好驚喜，放題120分鐘，CP值超高，一定要推薦呀🤤
-
餐廳就係旺角鬧市瓊華中心樓上，環境寬敞，天花掛上一個個燈籠，別具傳統復古風格，連啲餐具都夠哂玩味，好有舊時戲棚嘅感覺🏮
-
潮州火鍋真係好少見，將滷水汁變成火鍋湯底非常特別，而且超級濃郁，以鵝骨同花椒八角等大量香料熬製，裡面本身更加有埋炸豆腐、豬紅同京葱等配料係入面，湯頭食落特別香甜☺️而且有別於一般火鍋，完全唔洗再沾醬料，直接將食材放入去就會吸哂啲精華，十分惹味😋
-
呢個C餐放題已經食到M5極品和牛，淥幾秒就食得，十分嫩滑，牛味香濃🐮另外亦有安格斯牛小排、肥牛、肉眼可以任食，仲有啲刁鑽部位，例如封門柳、澳洲和牛胸油等等，尤其個牛胸油充滿油香，十分爽口😝
-
仲要嗌炸響鈴、炸魚皮、魚皮餃去索哂啲湯汁呀，好正😍個日嘅是日海鮮係蜆肉，都幾新鮮亦無沙，用個懷舊小碗裝住幾靚🥰我哋仲叫埋個普寧炸豆腐，超大碟，外脆內軟～
-
除此之外，自助區亦可以拎唔同嘅配料，例如潮州魚蛋、潮州牛丸、木耳、百頁豆腐、腐皮、粉絲、海帶、芝士腸、菇類等等，特別啲嘅有花雕醉雞、沙茶滑牛肉、手打鯪魚滑😙
-
旁邊仲有啲熱葷，包括椒鹽海蝦、炒飯同咖喱等等，我哋就揀咗啲小食，秘製辣豬手、滷水雞翼同韭菜豬紅，一啲都唔輸蝕，都好出色😎
-
除咗一般汽水同紙包飲品任食之外，佢仲提供一樽樽冷泡玫瑰荔枝、冷泡鐵觀音、蜂蜜荔枝茶同烏梅汁，可以幾個人一齊share，最抵嘅係指定啤酒可以無限暢飲🍻
-
最後包埋甜品，可以落單嗌花生紫米西米露涼粉，上枱嘅時候都有啲嚇親，無諗到咁足料大碗，甜而不膩😛 自助區亦都可以拎由大阪牛乳出品嘅雪糕，分別有海鹽、雲呢拿、豆腐同伯爵茶等嘅口味，為呢餐畫上完美嘅句號🍦
-
⭐價錢參考：（另收加一）
C餐：$298/位（17:00-21:30）
🍌抵deal 指數：9/10
张贴
