悅滿軒

朋友介紹呢度食晚餐，話有一種七八十年代嘅懷舊風格，經典得嚟好有氣派，而且坐得好舒服，過然係不錯啵🤗呢度嘅職員都好熱情同好好服務，抵讚😀🎈自家製法國麥包勁香麥味，而且口感好鬆脆，加上餐廳自己調配嘅黑松露牛油醬，香濃嘅黑松露加上淡淡嘅牛油，果然好夾，而且餐廳俾我地添食，正呀💓🎈法式海膽焗蛋一上枱勁熱同海膽嘅香味四溢，海膽汁勁creamy🤩海膽味超濃，焗蛋嘅火喉好好，蛋完全唔老，蛋黃係有剛剛熟嘅狀態😙勁正😍想食埋海膽汁可以用法包條沾醬嚟食，yummy!🎈主菜美國牛腹肉係我最鐘意嘅牛部位，因為最好口感同重牛味既部位😊今次我叫左七成熟，啱啱好，而且肉嘅質素好高😃配搭嘅醬有青醬，胡椒醬同芥末醬，各有特色，如果唔鐘意醬，清清地用鹽已經好出色。伴碟嘅車厘茄勁新鮮同甜，燒蒜蓉亦都好香好好食。🎈甜薯蓉好滑同creamy，甜薯嘅甜度我覺得適中嘅，份量亦唔會太少，食完唔會有好膩嘅感覺，都值得推介呀！