開心轉轉火鍋

上星期天氣突然轉涼，我同朋友都趁着寒冷天氣，去食火鍋暖吓肚。迴轉壽司就食得多，呢間火鍋放題特色係「轉轉」機制，好似迴轉壽司咁，食材喺輸送帶上轉嚟轉去，一人一鍋，你想食乜就夾乜，好新奇！任飲任食90分鐘，午餐$98/晚餐$159 一位（分別就係午餐時段無供應海鮮），呢個價錢真係非常之抵食～

湯底有5款：麻辣湯、酸辣金湯、番茄湯、箘皇湯
、老火豬骨湯，適合冬天暖身，又唔會太油膩。

肉嘅種類都好多，蟲草花雞件都幾滑溜，而且仲有安格斯、牛肩胛、牛板腱等等，油花都好靚。

1

1

海鮮就會嚟咗一碟先，之後可以再追加一次，而海鮮種類就有蝦、花甲、青口同埋蠔，啲蝦都大大隻，同埋生蠔好新鮮脹卜卜，我哋食完都再追加咗生蠔。

另外仲有各種嘅丸類、蔬菜、熟食、粉麵等等，真係多到不能盡錄，食完好滿足。

走之前記得整返杯牛奶士多啤梨軟雪糕～

📍開心轉轉火鍋 (油麻地)
油麻地彌敦道558-560號譽發廣場4樓

1