咖哩葉

营业中

休息中

今日去左佐敦試一試正宗印度菜，有朋友介紹咖喱葉，一入到去餐廳即刻覺得好溫暖喇，喺天寒地凍既天氣真係覺得特別窩心呀😽😽餐廳好有印度風格，四圍既裝修充滿住印度既風情，難得可以享受一下正宗既印度餐廳😍😍餐廳一開頭就會有薄餅送上，薄得黧又脆口，仲有兩款醬汁😋😋我比較鍾意食青色嘅奶酪🧀️醬汁，超級配胃🥳🥳🍢🍢烤羊肉串係用酸奶中醃製的羊肉，之後喺泥爐入面用串燒熟，一上枱熱辣辣咁，羊肉勁香，而且羊味啱啱好，食完成個人暖笠笠，好正呀😘😘❤️🤨印度烤雞真係極力推薦呀，佢係用慢烤既方式黎烤，用特別香料醃製好的雞，雞肉唔會太燶，香料味好重好香，香味真係飄住咁出黎呀，食落口真係超級既香呀🤗🤗❤️五香滑魚配濃咖哩醬，魚肉無骨仲好滑添，一啖食落口再配合埋唔會好辣既咖喱醬，我覺得十分之唔錯，雖然咖喱味濃，但係唔會完全蓋過魚肉既味道，唔錯唔錯😋印度式雜飯由好多唔同既印度米整成，飯身比較乾幾好食，有唔同既味啵，飯而且好大碗，食完夠哂飽肚呀，激讚😝😝今晚既印度菜真係好好食呀，好值得推薦🤩🤩