影片
更多
2019-04-10
16 浏览
今日去旺角搵朋友！食咗個超正嘅下午茶～最鍾意食甜品嘅我，對甜品要求特別高！今次呢款《榴槤星球》真係一食難忘！榴槤星球配西米$45一碗有五粒榴槤波波！入面係成舊榴槤肉來！超香濃，齒頰留香！鍾意榴槤嘅必定要食！椰汁西米，清甜椰香味十足！配有西瓜、木瓜、芒果，生果全部都好甜！龍珠星球配芒果汁涼粉$44紫色好靚呀！成粒龍珠咁，入面有火龍果同提子餡，啫喱波波係清爽口感唔會太甜，芒果汁配椰果涼粉，好香芒果味，涼粉切到細細粒㗎！唔錯！唔驚哽親！我個小朋友搶着食晒成碗！哈～生果一樣好甜！正打卡一流！香蕉朱古力窩夫$55窩夫好香濃朱古力味！外脆內軟！配埋朱古力雪糕同新鮮香蕉片食！非常滿足！食窩夫係優惠時段（15:00-20:30）仲送英國川寧伯爵茶一杯（熱）牛油果思慕雪$45淡淡牛油果同奇異果香，清新不膩！份量都足夠，飲完好飽肚！店內環境整潔舒適！食食吓小朋友突然人有三急⋯好彩老闆借用了店內洗手間！而且洗手間都非常乾淨，真係太好了！感謝～情侶、閨蜜、一家大細都啱食！
今日去旺角搵朋友！食咗個超正嘅下午茶～
最鍾意食甜品嘅我，對甜品要求特別高！
今次呢款《榴槤星球》真係一食難忘！
榴槤星球配西米$45
一碗有五粒榴槤波波！入面係成舊榴槤肉來！
超香濃，齒頰留香！鍾意榴槤嘅必定要食！
椰汁西米，清甜椰香味十足！配有西瓜、木瓜、芒果，生果全部都好甜！
龍珠星球配芒果汁涼粉$44
紫色好靚呀！成粒龍珠咁，入面有火龍果同提子餡，啫喱波波係清爽口感唔會太甜，芒果汁配椰果涼粉，好香芒果味，涼粉切到細細粒㗎！唔錯！唔驚哽親！我個小朋友搶着食晒成碗！哈～生果一樣好甜！正
打卡一流！
香蕉朱古力窩夫$55
窩夫好香濃朱古力味！外脆內軟！配埋朱古力雪糕同新鮮香蕉片食！非常滿足！
食窩夫係優惠時段（15:00-20:30）仲送英國川寧伯爵茶一杯（熱）
牛油果思慕雪$45
淡淡牛油果同奇異果香，清新不膩！
份量都足夠，飲完好飽肚！
店內環境整潔舒適！
食食吓小朋友突然人有三急⋯
好彩老闆借用了店內洗手間！而且洗手間都非常乾淨，真係太好了！感謝～
情侶、閨蜜、一家大細都啱食！
张贴
