泰COOL (翩匯坊) (已結業)

將軍澳區除咗愈來愈多樓仲多左好多好嘢食平時散步 踩單車既海皮原來呢一帶已經開左唔少新餐廳而且選擇亦都幾多見到呢間泰國菜都幾多人決定一試店內裝潢好年輕好有生氣午餐有好幾款選擇都係$58 幾抵食我地揀左海南雞飯油飯食得出陣陣油香雞肉夠嫩滑 而且份量足底部仲有蔬菜營養均勻另外仲追加左小食生菜包 有2件 都只係$10另外叫有份小食拼盤有豬仔最愛炸蝦餅外皮脆卜卜 咬落啖啖肉魚餅口感夠Q彈而春卷同單骨雞翼亦夠惹味香口無骨鳳爪沙律酸辣味十足愈食愈惹味同開胃飲品跟餐加左香芒椰汁冰甜甜地 相當解辣餐廳對出就係海有機會希望夜晚再黎飲下飲不知幾寫意