講到佐敦文英街既韓國餐廳，相信好多人都會聽過呢間星星Pho Cha，其實佢已經屹立咗喺佐敦好多年。除咗炸雞十分出色外，其實佢好多韓式食物都好食，性價比亦好過，絕對比尖沙咀金巴利街嘅同行有過之而無不及 😆
1
喺文英街有兩間星炸雞，一間係可以堂食嘅星星Pho Cha，一間就係專做外賣既星星Togo，我同朋友其實兩間都食過，亦都係長期嘅擁躉，今次食完個土豆豬骨湯後決定要幫佢打返一篇食評 🤓
土豆豬骨湯
佢有細份同埋大份，我哋兩個人所以叫咗細份，呢個豬骨湯用咗土豆、韓菜及豬骨熬製而成，豬骨肉10分軟腍、入味，令我諗起泰國嘅火山排骨。但呢隻韓式排骨湯更加有驚喜。
原味紫菜包飯
傳統嘅韓式包飯，性價比10分高
炸醬麵
炸醬麵嘅份量又係令我哋嚇一跳，份量超多之餘，亦都好有韓國本土嘅風味
泡菜炒豬肉
建議點泡菜炒豬肉，加配白飯，呢個餸既辣汁好開胃，豬肉亦都好軟腍，真係白飯都要叫兩個先搞得掂
星星系列餐廳都係由韓國人主理，我同朋友食韓國老闆娘都在場，服務都好好，見到我哋前菜食完就即刻幫我哋再添加，好有人情味嘅韓式餐廳😍
