影片
更多
2018-11-09
748 浏览
約咗朋友食tea, 見到旺角有一間新開嘅樓上咖啡室，聽講有貓貓同你一齊食tea同埋玩, 我呢個愛貓之人又點可以錯過呢？！😋佢位於旺角地鐵站E2出口一出轉右, 唔駛1分鐘就到勁快囉!!😱交通咁方便，我鍾意！👍😝上到去職員會叫我地先除鞋同埋要消毒雙手，我哋即時見到有貓貓入面行嚟行去😍😍急不及待要同佢一齊玩！入面嘅空間都幾大，舖滿他他米好舒服😌，所有嘅擺設由咕臣，時鐘，杯杯碟碟，到廁所拖鞋全部都係貓貓造型㗎！😍😍可見店主花咗唔少心機去採購不同貓貓造型的物品，果然真係愛貓之人！除咗將成間Cafe擺滿貓貓瞓覺嘅小屋和玩具，我仲見到店主會充分利用唔同嘅空間，例如有個領養欄為其他無家嘅浪浪小貓招募主人，又會有個空間比有需要嘅人寄買物品，又可以玩桌遊同埋睇圖書。由於佢係主要想提供一個給愛貓之人同浪浪小貓咪一齊輕鬆相處嘅休憩空間，所以其實食物嘅選擇就唔算多，主要係飲品同埋蛋糕🍰不過佢嘅出品絕對唔馬虎，相當高質。收費係按鐘計，頭一個鐘$68就包左一杯野飲，第二個鐘就$38會送多杯野飲咁。我同朋友各自點左花茶同埋蛋糕，花茶要每人另外加多$20，不過我見佢大大壺都幾抵飲，我點咗洛神山楂茶，呢排食得太多野要消消
約咗朋友食tea, 見到旺角有一間新開嘅樓上咖啡室，聽講有貓貓同你一齊食tea同埋玩, 我呢個愛貓之人又點可以錯過呢？！😋
佢位於旺角地鐵站E2出口一出轉右, 唔駛1分鐘就到勁快囉!!😱交通咁方便，我鍾意！👍😝
上到去職員會叫我地先除鞋同埋要消毒雙手，我哋即時見到有貓貓入面行嚟行去😍😍急不及待要同佢一齊玩！
入面嘅空間都幾大，舖滿他他米好舒服😌，所有嘅擺設由咕臣，時鐘，杯杯碟碟，到廁所拖鞋全部都係貓貓造型㗎！😍😍可見店主花咗唔少心機去採購不同貓貓造型的物品，果然真係愛貓之人！
除咗將成間Cafe擺滿貓貓瞓覺嘅小屋和玩具，我仲見到店主會充分利用唔同嘅空間，例如有個領養欄為其他無家嘅浪浪小貓招募主人，又會有個空間比有需要嘅人寄買物品，又可以玩桌遊同埋睇圖書。
由於佢係主要想提供一個給愛貓之人同浪浪小貓咪一齊輕鬆相處嘅休憩空間，所以其實食物嘅選擇就唔算多，主要係飲品同埋蛋糕🍰不過佢嘅出品絕對唔馬虎，相當高質。收費係按鐘計，頭一個鐘$68就包左一杯野飲，第二個鐘就$38會送多杯野飲咁。
洛神花山楂茶
$20
14 浏览
0 赞好
0 留言
我同朋友各自點左花茶同埋蛋糕，花茶要每人另外加多$20，不過我見佢大大壺都幾抵飲，我點咗洛神山楂茶，呢排食得太多野要消消滯😝佢嘅山楂同埋洛神花都相當足料，非常濃郁，真係好醒胃！
玫瑰合歡花桂花茶
$20
2 浏览
0 赞好
0 留言
朋友就點左玫瑰合歡花桂花茶，好清新桂花味都幾香，加埋玫瑰有種淡淡的甜味！我和朋友都佢嘅花茶好飲過出邊其他cafe嘅花茶!
抹茶有口感千層蛋糕
$48
4 浏览
0 赞好
0 留言
另外我哋見到佢有部份台灣日本直送蛋糕🍰😍我揀咗件抹茶有口感千層蛋糕($48)佢嘅抹茶味淡淡的但不苦，卻有很香嘅抹茶味🍵而蛋糕中間的cream好滑，加上每一層嘅pancake軟綿綿真係幾有口感，我覺得好味過嗰啲名牌咩lady千層蛋糕囉！😝
清香芝士芝味蛋糕
$35
6 浏览
0 赞好
0 留言
朋友就揀咗一件清香芝士芝味蛋糕($35)🍰
細細件唔算大件，啖啖清香嘅芝士味令你唔覺唔覺就食完，唔會覺得漏，用來佐花茶係無敵！👍
當日陪我地玩有四隻小貓咪，聽講全部都係因不同原因而被佢哋收養左，可在這個溫暖嘅家做店貓，而且原來全部都係未夠一歲嘅BB貓，真係好cute好可愛，一邊睇住佢哋響身邊跑來跑去和睡覺，一邊享受佢嘅花茶同埋美味嘅蛋糕🍰同朋友談天說地，真係幸福感倍增，好輕鬆愉快，忘記咗呢度係人來人往嘅旺角。
我仲知道店主會定期將部份嘅收益捐比浪浪之家，幫助流浪嘅毛小孩，令到我哋嚟幫襯變得別具意義，真係非常有愛心的一間店舖👍，絕對值得再支持！👍😄
———————————————————
店名：等一隻貓咖啡
環境🏝：8.5/10
服務💁🏼♀️：8.5/10
價錢💰：7/10
食物質素🍝：8/10
整體🙆🏻♂️：8/10
地址:
旺角彌敦道642-644號陶德大廈3樓642室
#吃貨玩樂在旺角
#吃貨玩樂
#貓貓cafe
#等一隻貓咖啡
张贴
