日本野 (銅鑼灣廣場二期) (已結業)

《日本野》，初初聽到呢個名，以為朋友講笑，原來真係餐廳店名，朋友食過話唔錯，今日帶我特登帶我來試吓☺️入到去店員很有禮貌，餐廳裝修很有日本風味，坐得很舒服🏡😌餐牌有很多不同的美食，我們揀了兩個定食：石燒霜降牛小排，店員送上一個小小的爐頭，上面放咗一塊石，我即是變身小廚師，牛小排放上去慢慢燒，要五成或七成…完全由我自己控制，好玩又好食，牛肉完全唔靭，好有牛味，又冇揸，正👍蒲燒鰻魚定食，都係水準之作，鰻魚又大又厚，燒得啱啱好，配埋白飯，真係一流😘還叫了一些小食：串燒牛舌，厚燒鰻魚玉子，三文魚刺身，都好好食☺️一邊傾計，一邊享受美食，呢一餐又飽又滿足😇