牡蠣酒場 (已結業)

咁都比我發掘到一間日本生蠔專門店，餐廳係銅鑼灣世貿中心附近，幾方便行完街就可以食飯。一入店，店舖面積都幾大，枱與枱之間好闊落，仲有個open既Bar枱。待應第一時間比左張日本地圖，同我地介紹佢地生蠔，好誇張，幾乎每一個縣市都有代表作，鍾意食日本生蠔嘅你，絕對可以喺呢間餐廳發掘日本多區不同品種嘅生蠔，有啲品種仲要超大隻，成隻手掌咁長，完全滿足食蠔嘅慾望。✅生蠔fresh除咗蠔以外，仲有炸物、刺身、串燒，Menu選擇都比較豐富。大大大力推薦：✅廣島蠔拉麵—》蠔味湯底濃郁✅炸物串燒即叫即整，新鮮熱辣辣整體食物原材料都比較高質，加上廚房即叫即整，熱食送到枱面嘅時候仲係熱辣辣，保持到各樣食物新鮮。