一木小料理 (已結業)

我比較鍾意去試一啲有特色嘅餐廳，見到灣仔呢間好日本住家風嘅餐廳，所以就試下。.有定食嘅選擇，都係比較多食客叫嘅。「三文魚南蠻漬、紅菜頭紫芋薯餅、柚子汁煮牛筋，配白飯」$85🍽：三文魚係冷盤嚟，食落有驚喜，係酸甜嘅味道，至於柚子汁牛筋味道亦係開胃，咁嘅配搭，我都係第一次食，完全無咗牛果種膻味。👍🏻.「明太子茶漬飯」$58🍽：我見定食要加$20先可以轉茶漬飯，所以我索性散叫，但見到咁細碗有啲失望。但係好味嘅，明太子濃味配清香嘅茶。.「明太子玉子燒」$58🍽：蛋略為過熟，但味道可以，由於我好鍾意食明太子，所以覺得唔差。😂