影片
更多
2021-10-20
3574 浏览
去到科學園，人造河伴涓涓細流，令人感到悠閒寧靜。順道進去科學園內餐廳用餐。「農」餐廳菜式別緻，餐廳座位寬敞，2人惠顧送1隻乳鴿，見到有優惠，就進去食晚膳，最後點咗 $888套餐，另加一服務費及茶芥，埋單$921。2款前菜🍽️:1️⃣ 荔之趣脆非常精緻嘅一款菜式，荔枝造型，外面喺爽脆紅色米通，裡面喺爽口嘅蝦肉。2️⃣ 冷盤花雕醉蝦🍤大頭蝦用花雕酒浸泡過，有醇厚酒香，口感有微醺味道。主菜: 火雲叉燒🥩叉燒搽上玫瑰露，點火輕灼令色澤更鮮亮。叉燒肉質鮮嫩，而且肥瘦適中，搽上特製蜜汁夠惹味，好特色嘅菜式，打卡一流📸。爆汁乳鴿🕊️ (2人惠顧贈送)外皮脆卜卜，厚肉香嫩，多肉汁，食落會爆汁添!天作之盒🎃 南瓜蒸蛋，用小南瓜盛載蛋漿及干瑤柱絲，然後隔水蒸。蛋好鮮味又嫩滑，南瓜清甜軟腍，好健康嘅菜式。三蝦炒豆苗🥬豆苗鮮嫩清爽，加上三蝦有干蝦、櫻花蝦、蝦絲，增加口感，味道豐富。農莊包點🥖2款造型嘅蒸包都非常可愛，有雞仔🐣、牛仔🐮嘅造型，雞仔款式喺叉燒包，牛仔款式喺流心朱古力包。仲有多款可愛造型嘅包點，相當吸引😍。甜品 🥧:熊仔芝士餅🐻 芝士蛋糕散發濃郁芝士香味，口感綿滑，碟邊擺放可愛嘅小熊奶凍，甜而不膩，為豐富晚餐畫
「農」餐廳菜式別緻，餐廳座位寬敞，2人惠顧送1隻乳鴿，見到有優惠，就進去食晚膳，最後點咗 $888套餐，另加一服務費及茶芥，埋單$921。
2款前菜🍽️:
1️⃣ 荔之趣脆
非常精緻嘅一款菜式，荔枝造型，外面喺爽脆紅色米通，裡面喺爽口嘅蝦肉。
2️⃣ 冷盤花雕醉蝦🍤
大頭蝦用花雕酒浸泡過，有醇厚酒香，口感有微醺味道。
主菜:
火雲叉燒🥩
叉燒搽上玫瑰露，點火輕灼令色澤更鮮亮。叉燒肉質鮮嫩，而且肥瘦適中，搽上特製蜜汁夠惹味，好特色嘅菜式，打卡一流📸。
爆汁乳鴿🕊️ (2人惠顧贈送)
外皮脆卜卜，厚肉香嫩，多肉汁，食落會爆汁添!
天作之盒🎃
南瓜蒸蛋，用小南瓜盛載蛋漿及干瑤柱絲，然後隔水蒸。蛋好鮮味又嫩滑，南瓜清甜軟腍，好健康嘅菜式。
三蝦炒豆苗🥬
豆苗鮮嫩清爽，加上三蝦有干蝦、櫻花蝦、蝦絲，增加口感，味道豐富。
農莊包點🥖
2款造型嘅蒸包都非常可愛，有雞仔🐣、牛仔🐮嘅造型，雞仔款式喺叉燒包，牛仔款式喺流心朱古力包。仲有多款可愛造型嘅包點，相當吸引😍。
甜品 🥧:
熊仔芝士餅🐻
芝士蛋糕散發濃郁芝士香味，口感綿滑，碟邊擺放可愛嘅小熊奶凍，甜而不膩，為豐富晚餐畫上完美句號。
農🍽️
@farmrestauranthk
🏠沙田科學園第二期科技大道西10號浚湖樓地下S041A號舖
张贴
