影片
更多
2011-06-02
176 浏览
311 後，唔少日式食肆都少咗人光顧，所以有部分日式食肆攪咗個《愛‧日本料理》計劃，sell 50% 優惠，100% 安心。 計劃重點即係由5月25日開始一連四個星期三推出半價優惠比食客。 有優惠我當然無執輸啦，即刻search 個list 出嚟，睇吓邊間d 優惠最正，結果，我就二話不說book 這咗間宴•尖沙咀嘅蟹牛鍋放題，因為我一直都想去試這個放題嘅。 蟹鍋+蟹醋+牛鍋放題本身$399/位，半價後$200/位，另外預番要比$20/位嘅強制性收費前菜，同order 一杯drink (最平要$35/杯) ，加一。 因為這間宴•尖沙咀同在銅鑼灣同集團嘅樂宴一樣係無serve免費茶。 如果一杯drink都唔order 係會口渴死的，況且一杯drink 係唔多夠飲一晚。《愛‧日本料理》計劃中，相比有一些日式餐廳的半價優惠只限於飲品，個別一兩個菜式，或個別時段，我個人認為宴•尖沙咀的半價優惠可算實在。 起碼我order 了一個蟹牛鍋放題，已經是一餐晚餐了，所以我都好推介這個優惠。 蟹鍋+蟹醋+牛鍋放題平常是$399/位，淨蟹鍋+蟹醋放題就$320/位，淨牛鍋放題都係$320/位。 蟹鍋+蟹醋+
有優惠我當然無執輸啦，即刻search 個list 出嚟，睇吓邊間d 優惠最正，結果，我就二話不說book 這咗間宴•尖沙咀嘅蟹牛鍋放題，因為我一直都想去試這個放題嘅。 蟹鍋+蟹醋+牛鍋放題本身$399/位，半價後$200/位，另外預番要比$20/位嘅強制性收費前菜，同order 一杯drink (最平要$35/杯) ，加一。 因為這間宴•尖沙咀同在銅鑼灣同集團嘅樂宴一樣係無serve免費茶。 如果一杯drink都唔order 係會口渴死的，況且一杯drink 係唔多夠飲一晚。《愛‧日本料理》計劃中，相比有一些日式餐廳的半價優惠只限於飲品，個別一兩個菜式，或個別時段，我個人認為宴•尖沙咀的半價優惠可算實在。 起碼我order 了一個蟹牛鍋放題，已經是一餐晚餐了，所以我都好推介這個優惠。
蟹鍋+蟹醋+牛鍋放題平常是$399/位，淨蟹鍋+蟹醋放題就$320/位，淨牛鍋放題都係$320/位。 蟹鍋+蟹醋+牛鍋放題當然是任食蟹+牛啦，eat all you can eat，另外仲包咗每人一個雜錦3色刺身(不是任食)、每人一份3款前菜(不是任食)、雜菜拼盤任食，同最後每人一個甜品 (不是任食)。
是日3款前菜中間果個係自家製花生豆腐，花生味不算重，但好煙韌，質地有少少似年糕，好食! 特別! 花生豆腐都幾出名ga，係平時a-la-carte 都值得order 既前菜。 雜菜拼盤就有金菇、兩款蔬菜、大蔥、粉絲等，present 得好整齊，唔會擺到好亂的，值得一讚。煮蟹同牛係有唔同湯底嘅，所以個蟹鍋+牛鍋放題係比個鴛鴦鍋我哋烚吓、烚吓。 蟹鍋、牛鍋的意思當然就是食蟹同牛嘅shabu shabu 熱食。 而蟹醋就是蟹嘅凍食，點醋。 因為shabu shabu本身有兩個sauce，加上點蟹嘅醋，又加上豉油，再加上刺身、前菜、蟹、牛，同食蟹每人一套嘅蟹剪、拆蟹食具、火鍋食具等，係一張枱擺到滿，兼唔夠擺!
放題嘅主角，蟹同牛基本上都好正，好好食! 每碟蟹同每盤牛都present 得好整整齊齊。 牛厚薄適中，好新鮮。 當然，有幾盤牛雪花會多d，有幾盤會瘦d，但不存在第一盤最靚，越order 越渣嘅情況，牛嘅質素一般都是ok 好的。 不過，相比下，我哋覺得蟹比較正，好鮮甜，唔會咸，同唔會霉! 仲要係d 蟹好容易拆肉，因為每隻蟹鉗同蟹腳都已經剪開一刀，加上每人有一把蟹剪，真係超容易拆到好完整嘅一隻蟹鉗出來! 令我哋個個都好開心、好有滿足感! 簡直係食到唔停口!個放題當晚限時兩個鐘，不過不算好strict 的，只係食咗兩個鐘左右侍應會提你蟹+牛+雜菜拼盤last order，問我哋仲要唔要加，同問我哋想要食烏冬定係粥。烏冬同粥都係放題已經包咗，不用另收費的。
烏冬同粥，我哋當然揀咗粥，個蟹鍋湯底咁鮮甜，我哋認為煮蟹粥會好正同比較match。 所以，侍應就叫我哋夾起蟹鍋內嘅蟹，將d 未食嘅蟹拆肉，之後比咗一大碗珍珠白飯、一隻生雞蛋、少許蔥花，同少許紫菜絲我哋用來煮蟹粥。 白飯係用來放落蟹鍋湯底煮蟹粥嘅，食完咁多蟹同牛，再食埋個蟹粥，勁正! 本來個個食到好飽好飽，但都每人食咗成碗蟹粥! 最後再以一球士多啤梨雪糕作結，完成咗好豐富，好完美嘅晚餐!環境幾舒服，和風木色裝修，燈光暗暗的，枱同枱之間距離嘅都ok，幾適合三五知己食飯吹水。 而我們一行四人訂枱時要求要坐榻榻米就梗係再正d啦!
這間日本料理地方不太容易搵，總之就係你大概喺金馬倫道7-11對面，見金龍中心上一樓。 餐廳除咗做蟹牛鍋放題，仲有a-la-carte沖繩料理食，menu 同銅鑼灣樂宴差唔多，都係食海葡萄、花生豆腐、苦瓜炒豬肉果d，都比較多日本人客。 不過，如果講裝修同環境，我覺得樂宴仲要靚d同好feel d。個promotion 暫定做多兩個星期三，如果有興趣，要快d 訂位噢! 正價食雖然都正，但就無咁抵ga 啦!
张贴
