影片
更多
2018-05-16
128 浏览
和友人到灣仔食到呢間以多士和咖啡☕️爲主打的咖啡館小店，又真係有驚喜啵！😋👍首先脷伸一下😝我個人唔係特別喜歡食多士，一來我覺得多士較硬同乾身，我較喜歡食軟身嘢多d，二來我成日覺得啲多士好似無乜料好寡咁，成日都係抹啲醬或是加塊火腿芝士就算，這是我對多士的固有印象，所以好多時我都會揀食大大個burger 同足料三文治好過😅但我見到呢間店上的menu有個特色主打時簡直眼前一亮——佢竟然有手打安格斯牛肉芝士漢堡（當然漢堡上下的麵包是以多士代替）見到呢個我超有興趣呀！而且又唔係好貴, $63連飲品，我即刻落order😍因為即叫即製，所以需時15分鐘，15分鐘之後店員就會送上，你會見到一個好厚嘅手打安格斯牛肉漢堡扒比兩塊多士夾住，嚴格來講應該大塊到夾唔住，係放上去，真係勁厚，中間再加埋芝士生菜，還有方型的煎蛋，煎蛋上面撒滿香甜粟米粒，就咁睇都覺得份量十足！我應該都够飽😂😋手打牛肉漢堡厚身得黎不是很實那種，香煎的外層能夠鎖住肉汁保持juicy，肉的調味不會太濃太咸，頗有牛味😋配上芝士，生菜及特別的醬汁，特別清新。我最喜歡佢夾住漢堡扒的多士，絕不是普通多士咁簡單，佢烤得外表金黃酥脆，但咬下去內𥚃又軟熟煙
和友人到灣仔食到呢間以多士和咖啡☕️爲主打的咖啡館小店，又真係有驚喜啵！😋👍
首先脷伸一下😝我個人唔係特別喜歡食多士，一來我覺得多士較硬同乾身，我較喜歡食軟身嘢多d，二來我成日覺得啲多士好似無乜料好寡咁，成日都係抹啲醬或是加塊火腿芝士就算，這是我對多士的固有印象，所以好多時我都會揀食大大個burger 同足料三文治好過😅
但我見到呢間店上的menu有個特色主打時簡直眼前一亮——佢竟然有手打安格斯牛肉芝士漢堡（當然漢堡上下的麵包是以多士代替）見到呢個我超有興趣呀！而且又唔係好貴, $63連飲品，我即刻落order😍
因為即叫即製，所以需時15分鐘，15分鐘之後店員就會送上，你會見到一個好厚嘅手打安格斯牛肉漢堡扒比兩塊多士夾住，嚴格來講應該大塊到夾唔住，係放上去，真係勁厚，中間再加埋芝士生菜，還有方型的煎蛋，煎蛋上面撒滿香甜粟米粒，就咁睇都覺得份量十足！我應該都够飽😂😋手打牛肉漢堡厚身得黎不是很實那種，香煎的外層能夠鎖住肉汁保持juicy，肉的調味不會太濃太咸，頗有牛味😋配上芝士，生菜及特別的醬汁，特別清新。
手打安格斯牛芝士漢堡多士
$63
9 浏览
0 赞好
0 留言
我最喜歡佢夾住漢堡扒的多士，絕不是普通多士咁簡單，佢烤得外表金黃酥脆，但咬下去內𥚃又軟熟煙韌，而且整片多士都是有味道的，咸咸甜甜我也說不出他塗了什麼上去烤，烤得均勻，可能個包本身有味，有d似BBQ麵包塗蜜糖但冇咁甜，我本身對多士麻麻的，就咁淨食多士麵包都覺得好好食😍，配埋牛肉漢堡扒一齊食又另一個層次👍。食到咁上下飲返啖凍檸茶少甜，爽呀！總之成個多士餐都好讚呀！
我見佢仲有其他多士和小食，而且價錢都不貴，下次都會有興趣再來光顧呀！😋
__________________________
環境：8/10
服務：8/10
價錢：8/10
食物質素： 8/10
整體：8/10
张贴
