滿江紅 (已結業)

呢間四川菜係朋友介紹，聽聞唔錯，於是決定嚟試下😍。佢一嚟就送你2個小食，豆腐乾同海帶，味道還可以接受，不過都有d辣。本身想試水煮魚嫁，但見佢咁紅...... 😅，最後淆底唔試。麻辣雞捧拌涼粉（$3️⃣x) 呢個真係好好食，夠辣，雖然我唔太食得辣，但都忍唔住食完一啖接一啖，夠哂辣，d涼粉又索味，不過碟野偏濃味，比較啱重口味人士，例如我🤣。宮保雞丁（$1️⃣0️⃣8️⃣)佢同我之前食過既四川菜一樣，超多辣椒，但唔辣，而且d雞幾彈牙🤣，不過不失。四川擔擔面（$3️⃣x) 呢個面超超超正，好香花生味，一d都唔辣，仲好香添🤣。呢個面既湯比較稠，d 面吸哂湯既味，值得一試。漁香茄子（$9️⃣x)呢個茄子唔太港式🤣，但幾好食喎，如果你當佢另一碟菜既話。佢本身已經冇皮，都冇一般港式煮法咁多油，醬汁都同平時唔同，似豆瓣醬味，幾打耳。飯後仲送甜品，酒釀小丸子，有陣陣桂花味，本身仲驚好似出面d店咁會有酸味，但呢間一d都冇😍，桂花味濃，好味。