三川居酒屋 (已結業)

座落於Sogo旁邊，鬧市之中開左一個居酒屋［三川］，估唔到六點鐘已經坐滿一半人了。居酒屋當然就係先點杯啤酒再慢慢諗嘢食。內部嘅裝修真係好似置身係日本一樣，甫進店已見到整櫃都是清酒。旁邊有幾間獨立草屋嘅卡位，中央有幾張方枱。點了些串燒［厚燒牛舌］簡單鹽燒已經很美味。另外再點了汁燒雞肉丸，一份有二串，$30，大份夾抵食，配上啤酒就完美。點了個蕃茄沙律，口味清新，十分開胃。今天很想食海膽，但可惜沒有加拿大膽，於是點了馬糞海膽，$168， 十分之新鮮，配上了足夠的紫菜也點了市場四色井（三文魚，帶子，甜蝦，劍魚）份量十足， 帶子好大隻，新鮮好味。，而且定價$148，旺區來說抵食。