北京老家 (已結業)

夜晚同朋友一齊食飯，好耐無食中菜，所以要食下～ 呢度環境夠晒中國特色，一出電梯就見到一道大紅門，上面左右各自畫有門神。望向左邊又有大羅庚，同鋪左細虎皮嘅中式長椅。不過肚餓，所以入去一坐底即嗌嘢食。北京填鴨燒得皮脆肉厚 😋 熱薄餅薄到半透明的，加埋烤鴨醬同青瓜更好食。半隻件數好多，所以每件薄餅夾到最少兩塊鴨，好多青瓜同京蔥，夠晒食。馳名蕃茄蛋餃食過翻尋味，要食多次。新鮮搓皮，薄得嚟少少煙韌，鮮茄同蛋粒嘅餡就填滿成粒餃子，滋味😋拔絲香蕉手工菜超巧功夫，條條金黃拔絲砌成拱形，好睇之餘又香甜美味。