影片
更多
2020-02-09
66 浏览
同朋友尖沙咀偶遇，一齊去無印大減價血拼完之後相約一齊共進晚餐，朋友就話有間黃店好介紹，於是就帶我去咗食呢間串燒。其實佢位置都有少少格攝，而且係樓上鋪，朋友自己都記錯左。入到去第一印象就係地下好痴笠笠，可能真係日日都燒烤日子有功啲油煙積響地下，我行每一下都癡住腳🤣樓上舖環境唔算好大，好有日本居酒屋嘅感覺，好適合叫串燒飲啤酒🍻 一班朋友坐埋一齊gathering，可惜我同朋友都唔飲酒，浄叫嘢食就可!朋友推介一定要點黃金薯條（$62）即是鹹蛋波浪薯條，離遠都聞到鹹蛋黃香味撲鼻，用上波浪薯條可以掛上更多鹹蛋，炸得夠香脆，好味不過好熱氣。😝同埋我略嫌佢炸得乾左少少。鹽燒牛舌($68)真係必食, 雖然一串得個五粒，但係每一粒都勁厚身，而且燒到啱啱好，好林好juicy , 牛味特濃! 大愛！蒜蓉茄子($49)又係另一個必食㗎, 勁多蒜蓉而且茄子🍆用燒嘅方式真係無敵，茄肉嫩到一個點。另外我哋帶咗原條鰻魚($62)佢嘅size唔係話好大，有啲瘦唔算好肥美，不過都燒得幾好，有日式嘅風味。香燒餃子雞翼（$49/2隻）出邊有啲燒濃咗冇咁美觀，不過食落去非常美味，中間係明太子讓左入去無骨雞翼當中, 啖啖肉小小辣
同朋友尖沙咀偶遇，一齊去無印大減價血拼完之後相約一齊共進晚餐，朋友就話有間黃店好介紹，於是就帶我去咗食呢間串燒。
其實佢位置都有少少格攝，而且係樓上鋪，朋友自己都記錯左。入到去第一印象就係地下好痴笠笠，可能真係日日都燒烤日子有功啲油煙積響地下，我行每一下都癡住腳🤣
樓上舖環境唔算好大，好有日本居酒屋嘅感覺，好適合叫串燒飲啤酒🍻 一班朋友坐埋一齊gathering，可惜我同朋友都唔飲酒，浄叫嘢食就可!
朋友推介一定要點黃金薯條（$62）即是鹹蛋波浪薯條，離遠都聞到鹹蛋黃香味撲鼻，用上波浪薯條可以掛上更多鹹蛋，炸得夠香脆，好味不過好熱氣。😝同埋我略嫌佢炸得乾左少少。
鹽燒牛舌($68)真係必食, 雖然一串得個五粒，但係每一粒都勁厚身，而且燒到啱啱好，好林好juicy , 牛味特濃! 大愛！
蒜蓉茄子($49)又係另一個必食㗎, 勁多蒜蓉而且茄子🍆用燒嘅方式真係無敵，茄肉嫩到一個點。
另外我哋帶咗原條鰻魚($62)佢嘅size唔係話好大，有啲瘦唔算好肥美，不過都燒得幾好，有日式嘅風味。
香燒餃子雞翼（$49/2隻）出邊有啲燒濃咗冇咁美觀，不過食落去非常美味，中間係明太子讓左入去無骨雞翼當中, 啖啖肉小小辣我鍾意😋
其他嘅好似燒豆角都正常，不過燒豬頸肉就乾身左少少。
整體來講我覺得佢都係一間合格以上嘅串燒店，佢仲會喺收據上面打咗Stand with Hong Kong 等字，有良心加多個1分👍 不過都有漏單嘅情況，同埋有部份嘅食燒得有點乾，如果改善埋就更加值得支持啦。
______________________________
店名：肚餓了串燒烤焗專門店 (尖沙咀)
環境🏝：7/10
服務💁🏼♀️：6/10
價錢💰：6/10
食物質素🍝: 7/10
整體🙆🏻♂️：6.8+1/10
地址：
尖沙咀亞士厘道17-19號6樓
张贴
