呼吸咖啡茶館 (已結業)

朋友搵咗間café話想試下，咁就嚟咗哩度嚕，哩間cafe嘅位有d難搵，我喺附近行咗幾圈先搵倒。上到去餐廳，驟眼睇都幾細下，放滿咗座位咁，仲有個台放咗d樂器，應該係比Life band表演嘅。D嘢食望落幾特別，咁我就叫咗杯凍玫瑰糖特飲，大家睇倒相，賣相都幾得意，飲落去都ok，玫瑰味雖然唔係幾重，但都有淡淡滲入去舌頭嘅感覺。除咗特飲，我另外都叫咗牛尾飯，對於一間café嚟講，哩個牛尾飯算係整得唔錯，sides嘅沙律都好新鮮，如果要挑剔嘅，就係飯可以煮乾小小，小小就ok。原本諗住嚟café可以同朋友慢慢傾下計，但太多人有d嘈，所以我哋都係食完就走嚕。