影片
更多
2019-05-04
97 浏览
識睇食評真係一定要先睇負評☹️☹️以為今次呢間德美壽司有咁多好評應該點都唔會太失望,點知...食完我真係好後悔等位等左咁耐😭是日星期六午飯時間,都比較多人,我地攞左兩人位嘅飛,上面寫要等5張檯,但一直都叫3-4人檯,結果等左超過半個鐘😐嘩呢度d侍應服務態度真係無敵😒首先我地親眼見住其中一個清潔張檯時直接將檯上面d食物殘渣掃落地下就算😱😱然後幫我地落單嘅時候又黑口黑面..唔講仲以為自己去左茶記☹️之後仲搞笑,我地個餐跟兩個茶碗蒸,咁岩格離枱有一對以英文對答嘅父子都有,當時一位負責上菜嘅姨姨先放低兩碗俾佢地,仲好細心咁用英文講"it's really hot"..又提佢小心唔好辣親,幾咁窩心😑點知到我地果兩碗嘅時候就完全冇講過野..放低就走🤷♀️唔通講英文嘅就怕熱,講廣東話嘅就冇問題???講到d食物,朋友個餐等左好耐都未到,之後發現格離枱遲黎過我地但有餐到,同侍應講佢先發現派錯餐去格離枱😂前菜有茶碗蒸,湯同沙律,就係一般日本餐廳嘅水準囉🤷♀️冇咩特別最失望係個汁燒雞扒定食($63),係無味咖🙄🙄🙄仲要好乾,完全提唔起食慾另外叫左個壽司烏冬定食($97)個烏冬就好普通,牛肉有d厚同肥~壽司就幾ok
以為今次呢間德美壽司有咁多好評應該點都唔會太失望,點知...食完我真係好後悔等位等左咁耐😭
是日星期六午飯時間,都比較多人,我地攞左兩人位嘅飛,上面寫要等5張檯,但一直都叫3-4人檯,結果等左超過半個鐘😐
嘩呢度d侍應服務態度真係無敵😒首先我地親眼見住其中一個清潔張檯時直接將檯上面d食物殘渣掃落地下就算😱😱然後幫我地落單嘅時候又黑口黑面..唔講仲以為自己去左茶記☹️之後仲搞笑,我地個餐跟兩個茶碗蒸,咁岩格離枱有一對以英文對答嘅父子都有,當時一位負責上菜嘅姨姨先放低兩碗俾佢地,仲好細心咁用英文講"it's really hot"..又提佢小心唔好辣親,幾咁窩心😑點知到我地果兩碗嘅時候就完全冇講過野..放低就走🤷♀️唔通講英文嘅就怕熱,講廣東話嘅就冇問題???
講到d食物,朋友個餐等左好耐都未到,之後發現格離枱遲黎過我地但有餐到,同侍應講佢先發現派錯餐去格離枱😂
前菜有茶碗蒸,湯同沙律,就係一般日本餐廳嘅水準囉🤷♀️冇咩特別
最失望係個汁燒雞扒定食($63),係無味咖🙄🙄🙄仲要好乾,完全提唔起食慾
另外叫左個壽司烏冬定食($97)
個烏冬就好普通,牛肉有d厚同肥~
壽司就幾ok😉厚切同唔會有好唔新鮮嘅感覺,賣相都唔錯~唯一要扣分係d飯好硬好實
飯後甜品係芒果汁布甸,都係正常啦~
其實呢個價錢有哂前菜主食甜品都算係抵,但咁嘅服務同食物質素真係咪搞我🙅♀️🙅♀️
张贴
