韓 炸雞 & 小食 (已結業)

唔講唔知，原來k11 musea b2層係food court嚟，超多野食😍，我哋簡嚟簡最近簡咗呢間嚟食，因為價錢又唔貴，同埋我哋好想食炸雞😜。炸薯條($15)佢個樣同m記既好似，不過好食過m記，因為炸得好脆，同埋就咁食已經好夠味，應該本身調過味，如果係粗薯仲正🤪。無骨炸雞($56)雖然望落去唔多，但因為係無骨，啖啖肉，我哋2個食都好夠。佢呢個雞真係炸得超嫩，入面仲係好juicy，真係估唔到😚。不過可惜佢呢d雞都冇醬汁，如果有雞醬點埋就正喇。雜錦煎餅($52)呢個係我最愛❤，朋友就話塊肉餅最好食，因為好嫩。我個人就中意嗰塊好似天婦羅既物體🤪，佢用咗洋蔥，薯仔，紅蘿蔔一齊炸，超好食😱，如果有得單買就好。