Little Box Dining (已結業)

呢間一定要同大家大力推薦！尤其係鍾意食甜品既朋友！❤️榛子朱古力班戟（$7️⃣8️⃣）佢入面有朱古力榛子醬，然後面頭有士多啤梨同香蕉，再加個士多啤梨雪糕🍦！整體配合非常夾！本身榛子醬同香蕉好夾，加咗士多啤梨感覺上冇咁滯。同埋佢個cream又滑又唔漏，奶味重。個餅皮又做得好煙韌，厚度適中，所有嘢加埋一齊食好好食😋！我覺得一定要叫呢一款！脆辣炸雞配柚子蛋黃醬（$4️⃣8️⃣）一共有四件炸雞🍗，不過我覺得佢哋唔辣😆。一定要點佢哋嗰個柚子蛋黃醬，甜甜哋，有畫龍點睛之效果。蕃茄大蝦羅勒意粉($9️⃣6️⃣)意粉好掛汁，酸甜度適中，好濃郁蕃茄味，好開胃。另外有幾隻大蝦，爽口彈牙。蕃茄芝士雞扒配炒野菜（$7️⃣8️⃣+1️⃣5️⃣）我覺得呢個都幾啱生酮既朋友！炒野菜望落去好唔起眼，但食落好正！用咗牛油同蒜茸去炒，超香。另外蕃茄芝士雞扒都好足料，係拉絲芝士😚，啱晒我哋。我哋仲叫咗兩杯飲品，一杯係士多啤梨梳打（$3️⃣2️⃣），另一半係士多啤梨牛奶乳酪（$3️⃣8️⃣）個人比較推薦後者，士多啤梨味一啲都唔假，又唔會太甜，而且佢係碎冰，唔會越飲越稀，我覺得幾好。我打呢篇時都好掛住塊班戟🥺，我一定會為咗佢再去㗎！