流水蝦 (已結業)

《即夾即燒游水蝦🇹🇭》———————————————-#流水蝦 🦐-一直都好想食呢款人氣任食流水蝦，可惜去唔到泰國， 估唔到遠在天邊近在眼前，喺觀塘工廈入邊就有得食啦😍-喺卡位中間設有水道，裏面有好多游水蝦，可以自助任揀，隻隻都超級生猛新鮮，Size都幾大隻，都真係要花啲力氣先夾到🤤 店員專登提醒我哋要用枱上嘅冰桶凍暈啲蝦，先至好放落爐上面燒🔥 -即夾即燒，大頭蝦肉質彈牙，肥美多膏，味道鮮甜，好多蝦膏蝦籽，可以任食唔嬲真係超級正，包保回到本🦐-除咗不限量大頭蝦，一嚟到仲有一碟特製椒鹽蝦、一盤時令新鮮同牛肉，當中有帶子、鮑魚、蜆肉等😌 餐廳好貼心喺枱上放咗好多調味粉，包括孜然粉、黑椒、鹽同辣椒粉俾大家自由配搭，仲可以出去自助區攞蒜蓉牛油，夠哂有風味🥰-除此之外餐廳仲有提供好多配料，包括蔬菜、肉類同海鮮可以喺凍櫃度拎，以供網燒，款式多元，非常吸引～另外亦有炸物同飯麵，非常豐富😍