正潮樓 (富通大廈)

营业中

休息中

「正潮樓」位於灣仔謝斐道，鄰近地鐵站A1出口，驟眼睇黎似乎薄有名氣，閒日完七點半左右幾乎滿座。滷水鵝片 ($168/例牌): 鵝肉嫩滑，具肉汁，幾有鵝味，滷水夠香甜，亦滷得入味，父母都十分欣賞。脆皮九肚魚 ($168): 炸粉香脆，厚度適中，而九肚魚嘅肉質可謂入口即化，口感一流，整體香口惹味。肉碎蠔仔粥 ($68/碗): 份量不少，一大碗都可分到四小碗，二人享用絕對足對。蠔仔及肉碎份量充足，蠔肉亦夠肥美鮮味，粥底鮮味，加埋胡椒粉更好食。梅汁焗豬手 ($128): 份量非常多，有大量去骨豬手，並附生菜，兩個人都食唔曬。豬手以梅汁炆至十分軟腍，醬汁酸酸甜甜，幾有梅味，蠻有特色。