影片
更多
2022-09-06
867 浏览
《休閑chill正多國菜💕》———————————————#HomeADay 🏡-返工lunch time經過呢間新開張嘅餐廳，就喺正電車路上環站出口， 十分方便～佢嘅門面已經好吸引，裝修典雅，粉色系嘅color tone令我少女心爆發💖 小店環境寬敞空猛，老闆娘同店員都幾好客，用心向我哋介紹菜式🧡-🐣 無骨海南雞飯呢款就係佢哋嘅招牌菜，無骨海南雞口感完全不韌，肉質嫩滑，鮮味十足😚 擺盤好靚，啱哂打卡📸 旁邊仲配有粉紅色嘅胭脂蘿蔔，十分爽口，零舍開胃👍🏻 另外仲有碗鮮雪耳濃雞湯可以解膩，雞味非常濃郁，相當足料😙-🧡 冬陰功海鮮忌廉長通粉呢款長通粉好有驚喜，配搭好特別，將泰國同西餐Fusion埋一齊🇹🇭 忌廉長通粉口感濃郁creamy，再滲出冬陰功香味，互相嘅平衡做得好夾之餘味道又唔搶😚-小店嘅特飲亦好出色，士多啤梨鮮奶沙冰叫Berry Frosty Day，鮮甜美味，充滿果香，質地幼滑🍓另一杯菠蘿梳打特飲就好清爽，飲得出係以新鮮菠蘿製成，可以連埋果肉一齊飲🍍-🍫 Baileys 朱古力芝士蛋糕配忌廉最後又點少得食返個甜品，揀咗佢呢款自家製Baileys 朱古力cheesecake ，口
———————————————
#HomeADay 🏡
-
返工lunch time經過呢間新開張嘅餐廳，就喺正電車路上環站出口， 十分方便～佢嘅門面已經好吸引，裝修典雅，粉色系嘅color tone令我少女心爆發💖 小店環境寬敞空猛，老闆娘同店員都幾好客，用心向我哋介紹菜式🧡
-
🐣 無骨海南雞飯
呢款就係佢哋嘅招牌菜，無骨海南雞口感完全不韌，肉質嫩滑，鮮味十足😚 擺盤好靚，啱哂打卡📸 旁邊仲配有粉紅色嘅胭脂蘿蔔，十分爽口，零舍開胃👍🏻 另外仲有碗鮮雪耳濃雞湯可以解膩，雞味非常濃郁，相當足料😙
-
🧡 冬陰功海鮮忌廉長通粉
呢款長通粉好有驚喜，配搭好特別，將泰國同西餐Fusion埋一齊🇹🇭 忌廉長通粉口感濃郁creamy，再滲出冬陰功香味，互相嘅平衡做得好夾之餘味道又唔搶😚
-
小店嘅特飲亦好出色，士多啤梨鮮奶沙冰
叫Berry Frosty Day，鮮甜美味，充滿果香，質地幼滑🍓另一杯菠蘿梳打特飲就好清爽，飲得出係以新鮮菠蘿製成，可以連埋果肉一齊飲🍍
-
🍫 Baileys 朱古力芝士蛋糕配忌廉
最後又點少得食返個甜品，揀咗佢呢款自家製Baileys 朱古力cheesecake ，口感幼滑，食落有啲似mousse 嘅質地，配搭底下嘅碎餅底，層次豐富😝重點係要加埋個質地豐盈嘅忌廉一齊食，口感格外幼滑😙
-
⭐ 參考價錢︰（另收加一）
無骨海南雞飯： $88
冬陰功海鮮忌廉長通粉： $98
士多啤梨鮮奶沙冰特飲：$52
菠蘿梳打特飲：$46
自家製Baileys 朱古力芝士蛋糕配忌廉：$78
🍌 抵deal 指數：8/10
💰 人均消費︰$200
张贴
