火五越式牛肉粉專門店 (其昌樓)

营业中

休息中

火五火車頭牛肉粉（$6️⃣2️⃣）佢真係超大碗，拎上嚟嗰下嚇親我🤣。一睇就知份量好多，配料都唔算少。個湯底做得幾唔錯，好惹味，啲河粉都好滑，佢仲有自家製嘅XO醬😍，忍唔住撈埋啲河粉一齊食。火五炭燒鰻魚飯（$4️⃣8️⃣)估唔到越南鋪都有鰻魚食，仲要塊鰻魚都幾大塊同厚肉，味道都ok，48蚊真係幾抵😯，叫得過！不過佢啲飯唔係一般嘅多，細食嘅朋友可以叫少飯🤣，女仔應該食唔晒。黃金蝦球（$4️⃣8️⃣）佢一共有五隻蝦，每隻蝦都OK大隻，每隻炸蝦層炸粉都好平均咁沾上咗咸蛋黃醬，好好食呀，我覺得呢個可以encore❗️意大利黑醋汁蒜蓉牛油雞翼($4️⃣8️⃣）掙扎咗好耐應該叫香茅雞翼定係呢個，最後忍唔住叫咗呢款🤣，因為好好奇佢咩味。唔知係咪因為加咗黑醋汁嘅緣故，我覺得食落去冇咁漏，酸酸地，而佢啲蒜蓉本身都醃過，同平時食嘅蒜蓉牛油雞翼有啲唔同，幾有新意。而啲雞肉仲保留到肉汁，幾好。