八番麵工房 Deluxe (已結業)

依間拉麵店打住係日本接近五十五年歷史嘅旗號，抱住期望去食，結果大失所望😑食物質素來講，拉麵唔難食但真係令人難以聯想到日本質素，再加上餐廳主打嘅串燒燒得真係一般一般，性價比低！🍜 叉燒拉麵ᴅᴇʟᴜxᴇ $𝟠𝟚 (𝟠/𝟙𝟘) 🥚 溏心蛋半隻 $𝟟 (𝟡/𝟙𝟘)依款稱為deluxe嘅拉麵得四片叉燒，份量絕對稱唔上deluxe，再加上唔包溏心蛋，加七蚊先得個半隻，性價比都幾低😔味道來講，叉燒肉質唔錯，拉麵夠彈同掛到湯，不過湯偏咸，溏心蛋夠流心同蛋黃調味出色。整體來講唔難食，但絕對唔係日本過江龍質素，似日本過江龍嘅只係定價😵🐥🍢 雞中翼串燒 $𝟚𝟟 (𝟝/𝟙𝟘)雞皮脆皮，雞肉有肉汁，可惜只食到燶味，而食唔到調味，食到懷疑人生。