天天海南雞飯 (ELEMENTS圓方)

营业中

休息中

疫情之前去新加坡旅行，個陣去過好出名嘅天天海南雞，當時食完真係好滿足回味無窮🤤雖然疫情無得去旅行，但依加係香港都有得食天天海南雞，一定要去試試佢！今次去左圓方分店，環境乾淨闊落舒適✨裝修仲幾有特色，同朋友都坐得好舒服～🔶黃金軟骨呢款小食份量一啲都唔細，每粒雞軟骨都被咸蛋黃醬包住，炸得香脆可口，真係食到停唔到口🤤🔶天天海南雞（中份）海南雞皮薄肉嫩，最中意海南雞無骨啖啖肉，配上秘製醬汁，就咁食都好夠味。佐雞醬汁有黑醬油、姜蓉、特製辣汁，點埋嚟食格外惹味🔶雞油飯（細）上枱熱辣辣、雞油香氣撲鼻，油飯食落好香雞油味，就咁食飯都可以食幾碗，配埋海南雞真係大滿足🤩🔶黑金叉燒呢個叉燒係我嘅最愛，同平時食開嘅叉燒有少少唔同，呢款叉燒選用近腩肉位置，食落充滿油香又唔韌，而醬汁亦好香又夠味，送飯一流🔶筋腩相逢一上枱就聞到好香，牛腩夠牛味、唔韌唔痴牙，煮得啱啱好，牛筋炆得夠淋，又不失彈性，食落感受到滿滿嘅骨膠原呀🤩🔶豆花恐龍美祿大大杯美祿面頭仲鋪滿美祿粉，美祿味超濃郁，仲飲到啲豆腐花，估唔到又幾夾🤩完全滿足到我呢個美祿愛好者今餐真係食得好滿足，同朋友捧完個肚走呀😛另外想讚下餐廳嘅侍應好有禮貌，見到你有需要都會