影片
更多
2021-07-08
92 浏览
《一個人都可以食到嘅酸菜魚》適逢屯馬線開通咗，今日我都試吓搭到嚟啟德站附近行吓，係出咗站一兩分鐘嘅路程就搵到呢一間設有一人份量酸菜魚嘅餐廳。酸菜魚就食得多，不過次次都要夾多一兩個朋友食，今日咁即興咁隨意一餐飯就可以用好抵嘅價錢都食到酸菜魚～🐟老壇酸菜生魚片（$69）配菜方面我哋叫咗豆卜同埋萵筍，而主食就揀咗薯粉，因為係一人份量嘅關係，所以唔好期望佢嘅魚份量會好多，但係夾埋其他配菜叫做夠食，呢個價錢只係比起一般出去食碗米線再貴少少，但係就有特別嘅酸菜魚湯底，同埋啲魚～～🐟青花椒酸菜生魚片（$68）呢個配菜我哋揀咗芽菜同腐皮，配左米線，呢碗酸菜魚嘅湯底比起第一碗相對辣咗少少，但係依然屬於我可以接受到嘅範圍內，米線相對薯粉吸湯嘅能力冇咁高，但係由於呢個湯底比較濃，所以分別都唔大～🍹凍柑桔蜜（$12）🍹利賓納梳打特飲（$12）💰人均消費：約$80
適逢屯馬線開通咗，今日我都試吓搭到嚟啟德站附近行吓，係出咗站一兩分鐘嘅路程就搵到呢一間設有一人份量酸菜魚嘅餐廳。酸菜魚就食得多，不過次次都要夾多一兩個朋友食，今日咁即興咁隨意一餐飯就可以用好抵嘅價錢都食到酸菜魚～
🐟老壇酸菜生魚片（$69）
配菜方面我哋叫咗豆卜同埋萵筍，而主食就揀咗薯粉，因為係一人份量嘅關係，所以唔好期望佢嘅魚份量會好多，但係夾埋其他配菜叫做夠食，呢個價錢只係比起一般出去食碗米線再貴少少，但係就有特別嘅酸菜魚湯底，同埋啲魚～～
🐟青花椒酸菜生魚片（$68）
呢個配菜我哋揀咗芽菜同腐皮，配左米線，呢碗酸菜魚嘅湯底比起第一碗相對辣咗少少，但係依然屬於我可以接受到嘅範圍內，米線相對薯粉吸湯嘅能力冇咁高，但係由於呢個湯底比較濃，所以分別都唔大～
🍹凍柑桔蜜（$12）
🍹利賓納梳打特飲（$12）
💰人均消費：約$80
张贴
