金撈老鴨湯刺身火鍋專門店 (已結業)

今次黎到佐敦既金撈老鴨湯刺身火鍋專門店。我家人愛火鍋既程度係夏天開大冷氣都要食既。所以專登黎一嘗老鴨湯湯底。點餐紙自己選，方便容易選擇。今次點左金撈富貴老鴨湯，有得選一隻鴨半隻鴨。價錢$268/$198材料十分豐富，包括有蟲草花、杞子、素翅藥材等料材。等湯底滾起，有店員會幫手拆肉，再盛湯。先嚐老鴨湯，味道香濃細膩，但又不油膩。真飲到停晤到口，好正！生醃螄蚶，必食，坊間少有，份量好多，味道鮮甜，咸味適中。澳洲頂級M9和牛刺身，價錢$198，好抵食！肉質味濃，質地細滑。讚。至尊牛三星(本地手切牛頸脊、牛柳粒、牛胸爽+牛舌芯)牛頸脊肉味濃，夠嫩滑。牛胸爽+牛舌芯，爽口，口感一流。脆肉脘 係脘魚中的極品，脆口魚味濃。鵝腸頭，又係刁鑽食材，坊間少有。可遇不可求，因為產量不多。打邊爐一流，爽口帶肥，邪惡之物，會令人食晤停。店鋪自製炸響鈴，保證新鮮，咬落脆卜卜。