辦館 (雅蘭中心) (已結業)

星期日去左旺角睇戲，因為出得太晏，所以係對面雅蘭求其揾啲野醫下肚，奈何人好多，所以最後揀左辦館坐下，飲杯㗎啡。店仔細細，主要提供輕食，選擇簡而精，主要係多士。點了份西班牙黑毛豬芝士火腿多士和一個安格斯牛肉撈丁。先點餐後取野食，過程都幾順暢。多士幾出色，黑毛豬火腿油分好夠，麵包烘得夠脆，加埋一大塊芝士同火箭菜，又真係幾好食，食完再飲啖香濃幼滑的紅豆鮮奶抹茶，透心涼。朋友的撈丁估唔到有隻流心温泉蛋，撈丁同牛肉都夠入味，用公雞碗上，帶點懷舊，都幾好食！熱㗎啡味道都香濃，仲有朵拉花，簡簡單單！整體黎講，食物質素同飲品都不錯，如果想食得輕怡簡單一啲再行街，不妨黎呢度飲杯咖啡食件多士。