Garden Lounge

营业中

休息中

上司請食飯，來到Murray的Garden Lounge食Semi buffet。這家餐廳之前來過食Afternoon tea，環境服務都十分不錯，今次正好可以試試這裏晚餐的質素。晚上來食Buffet的人也絡繹不絕，我們七時多來到，餐廳己經全滿了。我們預約的是$728/位的Semi Buffet，另加$238可以free flow紅白酒、prosecco、啤酒等。我們當然不放過暢飲的機會，坐低先開了枝意大利的prosecco來送海鮮。自助區6款海鮮選擇，有我最愛的生蠔和鮑魚。生蠔refill的速度很快，雖然不算大隻，但好新鮮清甜。鮑魚是醃過的，好入味，爽口彈牙。不能錯過的還有蟹腳、大蝦，不會過咸，而且肥大又鮮甜。未食主菜，大家飲飲酒，傾下計，海鮮都encore了三轉。冷盤少不了有巴馬火腿、煙三文魚、西班牙辣肉腸、沙律及芝士等，，雖然不算多，但質素都好好，尤其鍾意蜜瓜火腿，因為蜜瓜很甜，夾著咸香的火腿同食，一流。熟食必食當然是即切牛肉和酥皮焗菠菜三文魚。酥皮做得酥脆，三文魚菠菜的配搭唔肥膩，烤牛肉是粉嫩多汁的，新鮮熱辣即切出來的就係好食。它們兩者的質素完全可以媲美主菜，多食2件也不為過。