滾得囍宮廷火鍋小炒 (已改名) 查看

最近來了很火熱的滾得囍打邊爐，因為其賣點係宮廷火鍋，而且環境裝修都有點宮廷色彩。 餐廳位置好方便，北角站A出口行一分鐘都唔使就到。店鋪空間比我想像中細，但裝修就貫徹宮廷，包括廉幕雕花都係個囍字，龍椅，仲有搞鬼的聖旨介紹湯底特色。 因為4個人，所以點了個原隻花膠雞鍋湯底。用龍頭鍋上，淡黃色大大一鍋，好有份量。花膠和雞另上，大大一盤。湯底夠濃，先將花膠放晒落去，滾滾下增加湯底膠質感。 雞其實已預先整熟，似白切雞，所以只需要微微淥一淥，就食得。雞十分嫩滑，而且肥美，入口一啲都唔鞋，好好食。 花甲肥大，完全無沙，入口爽彈。鵝腸係新鮮，淥完會縮水嗰種，同桂花蚌一樣都係爽口彈牙。松露墨魚滑好香松露味，墨魚滑亦打得彈牙！ 牛肉係邊爐必食，所以點左推介的手切飛驒和牛及安格斯牛。安格斯冰鎮上枱，放係保鮮紙封口的冰盤上面，保持新鮮，仲有乾冰，感覺好衛生。飛驒牛則以木架上，薄切食長方形一條，掛係架上。安格斯牛味濃，脂肪比例不算高，但好有咬口但一啲都唔韌。飛驒牛入口即化，油脂滿溢，入口有陣陣牛乳香，大愛！！叫了一jar酸梅湯，味道夠濃且甜中帶酸，開胃醒神，反而竹蔗矛根味道就較淡。 同時又點了蟶子皇及鮑魚，蟶子