億饍 (已結業)

台灣朋友嚟咗香港，因為要返工的關係，所以唔可以帶佢周圍去。但係既然黎到，點都要聚一聚。因為佢哋住近佐敦的關係，所以放工約埋係附近，同佢地食餐晚飯。揀咗一間係樓上嘅泰國菜，所以一早book定枱，同佢食個晚飯。 晚上七點幾，一開門估唔到個場都爆曬。因為大家都餓，所以坐低就點嘢食。原本想試吓呢度嘅招牌燉湯，但可惜已經買完，所以改點啲想食的。牛油雞翼好脆，咬落去根本上都係卜卜聲，而且帶蒜香，肉汁鎖住係雞皮內！豬頸肉米紙捲係為朋友點的，因為佢話未食過。一條有4卷，滿滿的粉絲和大塊豬肉，點上特製甜醬，惹味。我最愛的生牛肉湯河夠晒大碗，又夠熱，鮮嫩的生牛肉有2大塊，河粉爽口，湯清甜，帶點金不換香、葱香，暖胃又好味。朋友點左個燒牛肉撈檸，份量都幾多，佢一個人食都食唔晒，牛肉有好多塊，仲要塊塊都好入味，鮮嫩又好食，加埋個檸粉汁，酸酸甜甜，醒神又開胃。叫左個香烤豬肉脆蝦片過下口癮，因為食完雞翼想再食啲香口野。蝦片輕身又脆，加左菂粉絲同花生粒，再配埋嚿烤豬肉，香脆又可口。不得不讚個馬拉盞炒通菜，啲菜嫩綠之餘仲炒得好香，好夠味。我覺得比起泰國食到的仲要好食。三個人雖然點左唔算多野食，但因為份量好足，所以都好