桃園制作粥麵餐廳 (迎海薈) (已結業)

今日又返馬鞍山，但傷風左成個星期，真係無咩胃口食得太heavy。只想食碗粥。好在近近地，有間粥面鋪。點左個魚腩粥，炒面同埋一個雞鍋。因為同事話好吸引喎個雞。魚腩粥啲粥好滑，成大嚿魚係粥入面，都算足料，雖然味精都幾重，但好食就無所以啦。個炒面就好一般啦，好鬼油，份量唔算多，但因為太油，都唔想食落去，轉戰雞鍋。雞鍋大大鍋，好多肉，我估有成大半隻雞係入面，入面仲有洋葱呀，大蒜呀，其實爆得好香口下。辣度唔算大，用黎送粥其實幾好味。雖然成餐飯都覺得好多味精，但食完又真係開心左，都OK la。