稻八日式火鍋炸物放題 (已結業)

稻八黎左荃灣，一定要去下啦~新店係城市中心附近，唔難揾，因為仲係好新，所以門口仲放有好多花牌。. 新分店貫切大埔店的風格，揾左同一位插畫師，係新店幾面墻畫左多隻又肥又為食的肥貓。日式得黎好得意，又棧鬼。 新店一樣走簡潔的日系風，木枱配木櫈，予人清新光猛的感覺。而且係2樓，日間陽光可透過窗入黎，幾舒服。 今次揀返個$368的黑毛和牛盛合，共有5款牛肉，1款豚肉，1款羊肉及刺身，一次過滿足幾個願望。加左$88變芝士龍蝦湯。 個湯好快到，絕對足料，奶黃的湯底入面有成隻完整龍蝦，有南瓜、粟米、大葱等，賣相好吸引。因為一式點了3份，所以牛肉一次過上枱，場面都幾壯觀，成枱紅色。黑毛和牛個樣好靚，粉紅色配白色，望到都吸引。澳洲M6、美國穀飼牛、美國進口牛及安格斯小排，都排得好靚好吸引。任食黎講，呢度啲牛肉質素都十分不錯，牛味亦夠濃。 每款切到都薄薄地，打邊爐一流。個芝士湯底濃，但唔係濃到結身好似雞煲咁，所以夠味之餘，又唔「漏」，幾好。跟餐的海鮮，有帆立貝、大蝦、魷魚、八爪魚、青口及蠔。隻隻都肥大肉厚，啖啖肉，過足口癮。 任食黎講，另一點鍾意稻八的原因係店面、食物夠晒企理。自助區的選擇十分豐富。蔬菜