RBTea

营业中

休息中

今日又黎下午茶，兩個中女無無聊聊係旺角行。但因為太迫人，所以行返去太子區，想坐下飲杯珍珠奶茶。下午四點半左右去到，要等位，等左5分鐘就有位啦，不過坐門口第一張枱。我地叫左岩鹽oreo朱古力奶茶同茉香奶茶，又點左核桃pancake同鴨胸waffle。呢度係先點餐俾錢再等食物送黎，野飲好快到，oreo朱古力奶茶好濃郁，咸咸地，奶味好重，我好鍾意。反而杯茉香珍珠比較之下就淡味好多，但都合格。核桃鬆餅個樣好靚，上面的花生醬同pancake好夾，好鬆軟而且甜度剛好。上黎時熱辣辣，我地影相影左好耐都仲係熱，好味。鴨胸等左成半個鐘都未黎，先知道原來無落單，侍應講晒sorry，我地唯有再等。呢次個窩夫黎得好快。但上枱時，已經唔係好熱，加上甜窩夫配咸鴨胸，味道唔太夾，啲薯條又有啲凍。成件事唔係太好食。不過整體黎講，呢度坐得幾舒服，我地坐左成3個鐘，啲野食其實不錯，飲品都有保證。