牛摩 (荃灣千色匯I) (已結業)

係荃灣同朋友睇完戲，臨走時又收到啊媽話唔煮飯，唯有捉埋朋友一齊食。途經重新裝飾過嘅千色匯就入去逛一逛發現都有唔少新食肆進駐，其中吸引左我地食嘅就係呢間牛摩了， 門口有個Ｑ版赤鬼招呼來賓，而且又以認證佐賀黑毛和牛作招徠，質素應該有保證。 門口個DISPLAY顯示，呢度總共有６個套餐可以選擇，日本黑毛和牛當然係呢度嘅主打。其次係澳洲牛同埋美國牛。可惜的是接近糧尾，我地唯有揀返個價錢平易近人嘅黎食，所以我地就揀左美國特級牛肉套餐。和牛留返下次食吧。 雖然係次一級嘅牛肉，但都切得厚薄適宜。牛肉雪花唔算特別豐富，但牛味十足，輕灼過後仍保持細嫩口感。牛肉一盤有四大塊，可以根據自己嘅食力黎再點餐。 因為豬肉一盤都有七至八塊，所以我地兩個人夾埋到最後都係食唔晒嘅。附送嘅海鮮及雞肉都唔錯，不過適合早早下鍋一併作湯底之用。因為雞肉超大件的。 第二輪嘅牛肉無論色澤及雪花都比第一輪差左丁點，但數量好多，仍屬收貨範圍之內。但我地覺得佢好似俾左啲解凍左幾耐嘅牛俾我地。 但之後送上枱嘅都回復第一輪的水準。成晚我地兩個總共食左四轉，牛肉平均而言都係唔錯的，入口順滑有咬勁。只要自己灼嘅時間控制好一啲，