彌敦左岸

营业中

休息中

大多數的聚會會刻意去約反而沒有成功，即興的話卻剛好成事。說了二年相約，就在即興下成功了。  來到尖沙咀的彌敦左岸，好早朋友推介過，但一直忘記。這裏有live band ，好適合傾計，而事實也正好如此。     以為餐廳不大，原來樓上別有洞天，地方好大好寬敞，仲有獨立房放桌球枱。我地選了近band的位置，想好好聽下歌。 餐牌選擇算多，而且菜色都吸引。我們點了推介的威靈頓牛柳、沙律等。   上菜不算快，可能因為星期五關係，我們入座無耐原來餐廳已坐滿人。在音樂陪襯下，好有氣氛。 威靈頓牛柳圓碌碌一個，賣相吸引。黃金的外皮帶脆，包住牛柳，切開入面係嫩紅多汁的！我食威靈頓牛柳的次數不多，酒吧餐廳出品來說，這個是質素以上的，朋友都大讚好食，講定話要同老公再黎食一次。     帶子兩邊微煎，放上三文魚子，點上沙律醬，簡單不花巧的味道，我欣賞加入提子的配搭，令沙律多了份甜味，更加清新。   飲品選擇很多，朋友點了果汁，我的Be back together入口帶甜，酒精度不高。配薯條食剛好。這裏的薯條是番薯條，粗切的它更有口感。而且番薯本身帶甜，所以可以中和了酒精的微苦，啱女士口味。聽住歌，食下薯條