吃扒 (已結業)

放工行完旺角，想食塊港式牛扒，回到吃扒。扒周圍都有得食，但有熱溶芝士的，暫時只有呢度。加錢升級做套餐，餐包和餐湯先上枱。羅宋湯足料，豬骨湯夠清甜，都好飲。麵包都係熱辣辣上枱。熱熔芝士紐西蘭牛柳，牛柳有兩大塊厚切，下面係薯條，雖然被浸得有點濕，但咁先係港式牛扒的精髓。芝士即時燒溶再淋上面，邪惡非常。牛柳五成熟剛好，中間透著粉紅，入口牛味好夠。鐵板特選肉眼扒，又係厚厚一塊，足兩寸，上面有烤過的網紋，黑椒汁同佢好夾。食落啖啖肉，又有黑椒香！跟餐的意粉份量好多，質感軟硬適中，配黑椒汁好好食。雪糕菠蘿冰好出色，用上新鮮菠蘿，夠香甜。加上菠蘿雪糕，仲有塊菠蘿乾，成杯菠蘿味得好徹底！玫瑰蜜桃係養生之選，飲落好清香，又冇咖啡因，唔使擔心瞓唔着。最後嘅甜品係兩杯CoCo Berry雪糕，食完鐵板可以下下火，不錯。