Eggy (已結業)

喺屯門行完街肚餓就黎eggy買個韓式吐司🍞食。見過IG啲相好似都唔錯，同埋都唔算貴🤑，仲要無人等緊！因為買嗰時都5點幾，所以都唔叫太豐富，就咁叫左個睇落無咁飽既漢堡芝士滑蛋，但因為我唔食芝士🧀所以就走左芝士…食吐司有時會食到好輪盡，所以就外賣返屋企食🥡。等左一陣就已經有得拎，店員好好有用張紙蓋住個吐司再用袋入住，好衛生👍🏻！韓式吐司塊包同啲醬都係甜甜地☺️，幾好食。可惜塊吐司因為外賣所以拎到返去可能都唔係好脆☹️。蛋偏熟🍳，但我本身都唔太鐘意生蛋所以幾好。不過食漢堡扒最尷尬既地方就係本身太細塊，大概只有包既一半，所以下面係無乜餡既🙈…