聚福樓 (已結業)

一直以為聚福樓係中餐所以仲未試過😂，早排同朋友講起先話係西餐黎🙈，所以又叫佢帶我試下😛。餐廳外有圍欄所以望唔到入面咩樣，一推開好surprise😳。入面原來有個小庭園🏕，之後就見到好異國風情既裝修🌴😍。菜式名仲好有創意🤣，睇得出老細好有心思💯。🔅蝦我!炒你啊!我唔會就咁蒜㗎! ($158)呢個即係蒜油鮮蝦炒意粉😌，望落好似好少，其實扁意粉份量好多😂，大胃王表示差啲食唔晒🤯。大蝦蝦肉幾彈牙，意粉軟硬適中，建議先將秘製蒜油撈勻就會更香🥳。個人比較食得辣，覺得係少辣level🌶，但幾惹味。🔅孖寶兄弟煮意粉 ($158)呢款蟹肉蟹膏忌廉意粉都係用左扁意粉，夠大碟🤩。忌廉汁又香又濃，意粉掛晒汁💮，面頭既蟹肉份量都唔少👍🏻。🔅咁炸嘛?嚇鬼咩! ($158)炸物拼盤好豐富🥰，有芝士波、雞翼、魷魚鬚、薯條同少少沙律🥗。芝士波既芝士味好香濃🧀，雞翼好大隻🥺，薯條份量都唔少🙌🏻。💬估唔到置樂呢個位都有間咁特別咁用心既cafe，真係有驚喜✨。下次涼少少會想坐下室外位，應該幾好feel😚。