Amusement Eatery (已結業)

約左朋友去行D2 Place，搵下長沙灣有咩食既時候見到呢間食南美菜既餐廳，感覺幾特別所以黎試下。餐廳唔算好大，不過勝在樓底高，加埋有霓虹燈裝飾做打卡位唔錯。落單可以自己scan qr code都好方便。食物即叫即整，大約需時10~20min。🔅澳洲M7和牛燒牛扒 ($398)牛扒叫左medium rare，食落啱啱好，無血👍🏻。塊扒唔會太厚又無筋，好易咬開，唔會乾柴柴，仲有好多伴碟既燒蔬菜好豐富。🔅加勒比烤雞 ($238)平時食開燒春雞，呢次就試下加勒比烤雞有咩分別😍。雞髀連雞胸望落幾大份。雞胸好驚喜，一啲都唔鞋，好嫩😚，配埋特色辣醬好惹味！雞皮烤焗後脆脆地，加埋烤雞香料，平時食雞唔食雞皮既我都忍唔住食埋皮🤣。雞髀就唔使講😝，好滑！🔅羅勒青醬鵪鶉意粉 ($188)份量適中，夠女仔食😚。意粉口感偏硬，青醬撈得好勻，正！平時怕青醬好油好膩，呢個唔會👍🏻。鵪鶉腌得好入味，皮煎得香脆，肉質一啲都唔鞋😳。🔅南美檸檬特飲 ($58)檸檬🍋梳打幾fresh，唔會好酸，少甜少冰啱啱好🍹。💬整體食物質素不俗，幾位staff都好親切，有加一既服務。