影片
同朋友聚聚, 较早前(其实都有一段时间)见杂志介绍过呢度, 话系酒吧, 但有日式小食呀, 寿司呀可以俾客order, 咪懒得意咁就试啰!出事喇, 到先知餐牌上无咩日本, 开头朋友们早到就话个menu度只得几款小食, 而且有系menu上listed都话无tim! ? 所以头轮我地只系叫3款小食: 蛋黄节瓜, 牛, 鸡肾同炸茄子, 各样都做得唔错, 佐酒一流, 而且唔系好细碟果. 其中我较喜欢蛋黄节瓜, 清甜节瓜混上咸蛋黄碎, 丰富节瓜的味道.大家好快清晒果几碟小食, 唯有再叫侍仔再个menu睇睇! 唔知之前朋友睇系咪同一个menu, 今次我就见有晒头盘呀, 汤呀, 沙律呀, 主菜呀同甜品, 满心欢喜咁以为可以大擦一餐, 点知有一半都话无! 好难都叫个鱼卷, 沙律同炸芝士虾饼. 鱼卷几好味, 不过唔系咁食得出鱼味; 芝士虾饼芝士味唔浓唔出, 麻麻.可能当日个场无其他客, 酒吧无开好有mood灯光, 好暗好黑. 不过呢度都装修得几靓, 走廊劲有行catwalk feel. 侍仔其实几nice几好笑容, 不过就放错料俾我地话happy hour到10点啰! 如果饮吹水, 都会推介呢度! 佢地无cocktail menu, 不过bar tender会问你想饮咩味而自行帮你调较, 水准可以! 星期五Ladies Night女士free drink, 唔好错过呀!我谂, 我地今次拣错地方食错. 不过佢地serve食物五湖四海, 俾个定位好㖞!
继续阅读