ZAKS (已結業)

我們一行九人為慶生入了Dbay第一次來，順路行左入面個沙灘先去食野zaks分兩層，樓下可以坐外面環境romentic，坐得幾舒服，8點幾有迪士尼firework睇因為我地多人，食到勁飽每人都只係要俾$130，切蛋糕又唔洗切餅費重每$100送船飛一張($27@)，令呢餐dinner底上加底!highly recommended!記得要定位

特登入去食呢間餐廳, 首先感覺麻麻就係有把男人聲聽電話落booking, 對答梗堀堀.係欣澳坐巴士入去愉景灣約20分鐘, 都幾快去到餐廳, 有一位好似印巴或菲律賓中年男人帶位, 此人一直serve我地, 包括埋單, 一坐底, 我老公同囡囡去左出面小playgroud玩, 咁我獨自係度睇menu, 跟住佢問我要吾要order drink, 我話要1杯coffee milkshake先, 佢話1杯only, ??!!.. 車, 咁都睇到我等緊人啦因為果時6點幾, 我地唸住食到睇煙花, 所以唸住拖慢d, 隨後老公返黎, 我地又叫左1杯strawberry smoothies, 果個人又講: 1杯only?? ..........都算.. 及後我地叫左caesar salad add beef $85+$20, 磨姑天使面$85, 炸魷魚$95 同surf and curf $190頭三樣真係超級好味, 最正係salad加果d牛肉, 只係加$20, 真係抵到爆, 反而surf and curt就麻麻, 雖然吾貴, 但牛肉麻麻 食到8點, 都仲未有煙花, 一check之下原來星期六係9點先放,

周六既下午,來這裡吃個lunch,純粹想沾染一點異國情懷~來到這裡當然要坐出面近海的位子食物叫了雞肉sandwiches同pasta都味道平平,乾淨淨的最好味竟然係d薯條,熱辣辣脆口的另外兩杯smoothies都味道偏淡不過這裡的環境可以補救食物既不足

為了慶祝男朋友生日, 特地選了這間餐廳原因有三: 食物質素高、勁近海景、迪士尼煙花view我們訂枱訂了7pm, 由於我們星期五去, 不是太多人。但8pm過後, 陸續開始多人, mainly is foreigners. 我們選擇坐在outdoor, 有海風, 加上環境較靜, 燈光昏陰, 情侶談心的好地方由於我們不是太肚餓, 所以只叫了兩款食物, 分別是Lobster Nachos & Pasta Porcini & 2 drinks Mango/Strawberry Smoothie.Starter Lobster Nachos, 我們加了小龍蝦, 脆米片 + 勁多芝士 & 忌廉 不過實在太熱氣 * 漏, 我們只吃了一半而已。Maincourse Pasta Porcini, 素菜的天使麵, 蕃茄仔勁鮮甜, 天使麵加sauce勁creamy, 正~Drinks Smoothie, 應該是用新鮮生果製成, 無加糖加水, 無添加~ 仲有少少果肉, 都算很大杯。不過美中不足當我打電話訂位時, 是一位中年男侍應接聽, 他的態度不是太好。我問了他關於生日有無特別優惠, 坐邊看海景 & 煙花會較好

上星期日和gf 去了晚飯6點walk in, 因為無book位, 但其實7~7.30 pm的位都full booking了真係旺場Carbornara - gf 話係用芝士弄出的白汁, 味道濃郁, 好味 mini baby ribs, 呢個好正呀~ 本人覺得同阿甘蝦的ribs有得比pawn, 反而個薯蓉先係主角, 很滑很美味, 用料十分新鮮 ( hkd 180) 呢個價錢, 我覺得合理但有位叫william 的waiter, 禮貌o麻麻, 希望有所改善。下次會再幫襯, 原因是, 為了食物而去。

9月5日, 呀菲呀比7週年快樂! 仲有就係openrice食評1週年~為咗慶祝, 我地專登揀咗我地從來未去過既愉景灣, 食ZAKS既原因當然都係佢係最多好評既餐廳啦~ 環境優雅, 四周都係外國人, 真係好似去咗外國~ 我地坐喺室外, 係熱咗少少, 不過好有情調, 啱晒我地慢慢嘆個豐富晚餐~::: Smoked Salmon Salad ::: $90超大portion的salad! Smoked Salmon盤成一大朵花伴在碟邊, 有好多塊, 而且都很新鮮肥美. 沙律菜裡混了baby spinach和三色椒, 淋上honey mustard sauce, 咬落就是幼嫩和爽甜. 相信這個也是ceasar salad以外無咁heavy的好選擇!::: Mini Baby Back Ribs ::: $110呢個back ribs係有main portion既~ 但係mini size都有6,7件, 2個人食已經足夠有餘! 搽咗BBQ醬既back ribs烤得香嫩, 好惹味~ 隨碟仲有多一小碟BBQ醬比你唔夠再點! 伴食的仲有椰菜絲沙律, 微酸帶甜的中和了BBQ醬的濃味, 實在係好好的配搭

和男友的2週年黎左試試。好貪心咁叫左好多野食, 有starter: egglant & goat cheese rolls(連我鍾意食羊都覺得好so), salad: smoked salmon salad (好食), main couse: seafood pizza (呢個都好食好香), Pasta Porcini (mushroom sause 好濃好好味, 不過要趁熱食, 凍左就結左一舊舊)。整體黎講, 份量都幾多, pasta 亦只能勉強吃完大半碟。pizza 都只食淨左一半。最後仲要pack返半個pizza 返去。如果女仔好似我咁細食, 或者可以叫多2個starter/ soup 最後加埋dessert。都已經係一個好full既晚餐。講講環境, 人客唔多, 而且感覺好悠閒, 可以舒舒服服坐係到傾下計慢慢食。服務員態度友善, 氣氛都幾好,有情調。如果6點幾開始食晚餐既話會更好, 因為可以欣賞下個海景先嘛。 下次想再試db 入面既其他餐廳。

因為老公生日 一早就BOOK定枱 REQUEST WINDOW SEATS6點半去到 都唔多人 靜靜地幾舒服2個人可以食GE野唔多 叫左4樣野食煙三文魚沙律 d三文魚唔會好咸 夾埋d沙律汁好味 好開胃架BABY BACK RIBS d肉好"淋" 配BBQ 汁 食完一條骨就好自然咁食第2第3條 =P海鮮PIZZA 超讚呀呢個 有魚有蝦 個批底脆卜卜 最好食係呢個卡邦尼意粉 呢個反而冇咩特別 個汁好CREAMY 可能有D因為飽飽地 所以感覺有D"漏"SERVICE: D WAITER / WAITRESS都好有禮貌 環境又乾淨衛生環境: 因為坐2樓 望到樓下海邊D位都唔錯 如果我過多一兩個月去都會想坐下面 都好有FEEL 不過琴日太熱了 所以都係坐番INDOOR7點幾果陣 食食下仲見到DISNEYLAND放煙花添呀!總括而言 我同老公都享用左一頓豐富滿足的晚餐 我地一定會再去的!!! =]

11-9-2008朋友一早已安排好請我0係呢度食生日飯, 由昂坪 360 折返東涌轉巴士, 7:00pm 前就0黎到呢度坐低了. 第一次0黎乜都唔知, 諗住「食住先啦, 食得落先叫 Hot molten chocolate pudding 啦」, 但 not until 0野食0黎到我0地先發覺原來係 North American portions 的, 結果食唔到甜品之餘, 仲嚴重食唔晒兩個 starters 及一個 pasta:- ZAKS Lobster nachos ($110): 兩個人食, 完全唔係 "starter" 份量! 底部 nachos 好多, spices 幾重, 微辣, 幾鹹0下, 配上濃濃膩膩的 mozzarella, 實在好漏, 即使有 sour cream 及酸酸0地的綠色薯茸狀 avocado sauce, 仍然食得好吃力; 而 + $15 的粒粒龍蝦肉, 就爽口而無味, 可惜. 亦因為碟頭實在太太太太太大, 我0地食剩超過一半, 真折墮!- Mini Baby Back Ribs ($110): 一條 ribs 切到 7 件, 完全唔 "m

要鼓勵一下不如意的我，男友訂了這裡和我晚餐。可是訂位時侍應不能confirm有窗口位，我倆都是早一點來好了。幸好早來了，可以坐在窗口位，感覺比較寬敞。有很多食物都想點，無耐是不餓，只好點兩個︰baby back ribs($110) and pasta porcini ($95)。人不多，等了一會就送上食物了，而且是兩個一齊送上，陣容鼎盛，份量絕對不少。先試ribs，肉質很腍，而又澆上很惹味，酸酸甜甜的醬汁，很好吃。如果嫌味道不夠，還可以蘸附送的醬，有點辣辣的，很開胃。可是份量實在太大，最後男友竟然要放棄了。pasta porcini︰這個是angle hair，其實平時我是極少主動吃天使麵的，因為比較幼身，沒甚麼嚼勁。不過選這個主要是看到醬汁creamy，又有basil，覺得味道會不錯。吃下去也覺得自己的判斷沒錯，既creamy又有陣陣植物香氣，麵條又不會腍腍的沒咬口，讚﹗縱使份量不少都可以清碟﹗人少時真的不錯，其後人愈來愈多，就覺得有點嘈雜了。不過我們吃完也不趕客，也許是太多人沒空理我們吧？不過今天確實開心，也希望今後也如此。

Going to Discovery Bay is not as troublesome as i thought.I took a bus from Tung Chung and it just took me 25 mins.Discovery Bay itself is a very beautiful place.Buffet is served in Zaks groud floor tonight. $125/head. Buffet is served in open area so its a bit too hot for tonight.I and my friend opt for a la carte menu. so we went upstairs. the view is real cool.though cannot see the Disney firework..had 3 dishes: calamari ring, mini baby back rib, house special pizza.The rib is my favourate!!

We went there only because we have not been in Discovery Bay for ages, this is a cozy and open and modern place. The menu is good, in terms of variety and choices, from salad to desert. The service was good although not super attentive. A good place for people watching and chilling with your friend

今年生日既Birthday Theme係「簡單最浪漫」，唔可以用太多錢，但一定要食得好同感覺好。結果佢就帶左我黎呢度食啦。開頭其實幾噴血，點會有人用中文名Book檯Gar........?!之後安排左個位，海景靚到呢。@見到他人都OK大碟野兼且感覺佢唔會太多選擇之下，揀左素菜意粉(我照譯Ga Ja@@")同埋Meat Master Pizza Share*個素菜意粉D番茄絲粗到我以為係火腿，蔬菜勁脆，，香草夠味，意粉彈牙唔太Lum，白汁又唔會太膩；至於Meat Master Pizza好大份@@"(大家的Mon有幾大它就有幾大啦@@"）其實茄醬同芝士落得好均勻既，不過多D饀會更好=]唯一兩點美中不足，第一，甘菊茶用既係Twinning茶包?!第二，當佢多人既時候，人手似乎唔太夠。不過唔太貴(每人百五都唔駛@@")兼有海景又有幾好食既野之下，嗯，算你啦

情侶必到食店！past procini 的確很惹味　(此菜沒有肉的)每碟菜都是很大碟的 (不少人都會打包走)大熱天時, 坐上層較佳, 不過記得帶外套smoothies 很好飲. 推介: mango, lychee (不過有點過甜)大部份staff 不諳廣東話. 店內氣氛一流+無敵海景+disney 煙花 = 值得再去建議日子: 閒日去較佳, 很少人, 更浪漫.

大澳之行過後~就轉到Dbay來頓燭光晚餐~來到給了我美好回憶的這一間西餐廳 原先是Book了看煙花的位置的但大家原來對煙花都沒有甚大興趣~就轉到較自成一角ge內廳點了個ZAKS Lobster Nachos 很大的一盤~堆得高高的玉米脆片加上酸忌廉~芝士~牛油果薄荷醬~始終是''零食類''..清碟沒有難度Smoked Salmon Casear Salad~簡單而隆重的一味平時對dressing有恐懼症ge小比偏偏接受到這店的作風三文魚大塊大塊的~有3塊~捲成花型~賣相與味道也不錯Sizzling Beef Fajitas~小比老早在RubyTue已想試的了~鐵板牛柳端上來的時候已經不再''jra''了~~可能坐得較遠了吧不過份量都幾多~而且仲有大量的洋蔥青椒同番茄~Tortila Wrap恰巧有4塊~?!少了一點吧..而且一點暖的感覺都沒有隨行的3碟醬是Sour Cream, Salsa Sauce與Avocado Mint Sauce感覺有點像上回原班人馬在吃京菜的蔥爆羊肉吃罷以上三樣東後~就叫了我們的Round II美食~Mini Baby Back Ribs雖說是Starter